გოგას ექვსიანები

ბითაძე: "თუ მწვრთნელი მეტყვის, რომ 48 წუთი უნდა ვითამაშო, ვითამაშებ" გოგა ბითაძე მოედანს ყოფილი გუნდის წინააღმდეგ დაუბრუნდა. გეხსომებათ, ჩვენებური „ინდიანამ“ გუნდიდან გაუშვა, მაგრამ გოგა უგუნდოდ დიდხანს არ დარჩენილა, „ორლანდომ“ აიყვანა. ახალ გუნდში კი, პირველად გამთენიისას ითამაშა და ეს სწორედ „ინდიანასთან“ მოხდა. „ორლანდომ“ შინ 108:121 წააგო, მაგრამ ბითაძეს ვერაფერს უსაყვედურებს, რადგან ჩვენებურმა პარკეტზე 9.24 წუთი დაჰყო, რა დროშიც 6 ქულა, 6 მოხსნა და 1 პასი მიითვალა.

გოგამ ორიდან მხოლოდ ერთი ორქულიანი ჩააგდო, რასაც თითო სამქულიანი და ჯარიმა მიაყოლა. პასივში კი, ერთ აცილებასთან ერთად ერთი პერსონალური ჯარიმაც ჰქონდა.

ბითაძის მოედანზე ყოფნის დროს, გუნდმა 7 ქულა მოიგო. „ორლანდომ“ ამ წაგებით ფლეი ოფში შესვლის შანსი გაირთულა, რადგან კონკურენტებს კიდევ უფრო ჩამორჩა. მომდევნო მატჩი „ჯადოქრებს“ 28 თებერვალს, „ნიუ ორლეანთან“ ელის.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 25