აქეთურ-იქითური, სიახლეები

მამუ პორტლენდს არ ეყო

28/10/2026 | 15:2728/10/2026 | 15:27By ირაკლი ნინიძე
მამუ პორტლენდს არ ეყო

„ლოს ანჯელეს ლეიკერსმა“ NBA-ს რეგულარული სეზონის მეოთხე მატჩი გამართა და პირველად წააგო. ჯეი ჯეი რედიკის გუნდი საკუთარ არენაზე „პორტლენდთან“ 129:136 დამარცხდა. არადა, ბოლო პერიოდის წინ იგებდა…

მამუ თამაშში სათადარიგოთა სკამიდან ჩაერთო და პარკეტზე 24:01 წუთი დაჰყო. სანდრო გუნდს 17 ქულით, 4 მოხსნით, 2 პასითა და 1 დაფარებით შეეშველა. ჩვენებურმა ხუთიდან სამი ორქულიანი, ოთხიდან სამი სამქულიანი და ორიდან ორი საჯარიმო ჩააგდო. პასივში ერთი დაკარგვა ჰქონდა, ხოლო პლუს-მინუს მაჩვენებელით (+6) გუნდში მხოლოდ ლუკა დონჩიჩს (+7) ჩამორჩა.

დონჩიჩმა მატჩი 41 ქულით, 5 მოხსნითა და 9 პასით დაასრულა. „ლეიკერსის“ შემადგენლობაში 26 ქულა, 4 მოხსნა და 7 პასი ოსტინ რივზმა მიითვალა. შედეგიანობით სანდრო მესამე იყო.

ოთხი მატჩის შემდეგ „ლეიკერსს“ სამი მოგება და ერთი მარცხი აქვს. მორიგ მატჩს ჯეი ჯეი რედიკის გუნდი 29 ოქტომბერს, სტუმრად, „ლოს ანჯელეს კლიპერსთან“ გამართავს.

ავტორის პროფილი

ირაკლი ნინიძე
ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
Post Views: 13