აქეთურ-იქითური, სიახლეები

ბასილაშვილი ნახევარფინალშია

23/10/2026 | 14:1323/10/2026 | 14:13By ირაკლი ნინიძე
ბასილაშვილი ნახევარფინალშია

ალმა ათაში მიმდინარე ტურნირზე ნიკოლოზ ბასილაშვილმა ზედიზედ მეხუთე გამარჯვება იზეიმა და ნახევარფინალში გავიდა.

ბასილაშვილმა საუკეთესო ოთხეულში შესვლა ადრიან მანარინო დამარცხებით მოახერხა. ჩვენებურმა ფრანგს მარტივად აჯობა – 6:3; 6:1. მატჩი საათსა და 10 წუთს გაგრძელდა. ბასილაშვილმა ოთხი ბრეიკი შეასრულა: პირველ სეტში ერთხელ, ხოლო მეორეში – სამჯერ. ამასთან, საკუთარი ჩაწოდება არ წაუგია.

როგორც გითხარით, ბასილაშვილმა ალმა ათაში მეხუთე მატჩი მოიგო: ორჯერ საკვალიფიკაციოში, ხოლო სამჯერ ძირითად ბადეში. ქართველი ყაზახეთში პირველი ნახევარფინალისტია და მეტოქეს ელოდება, რომელსაც სტეფანოს ციციპასი და ჯეიმს დაკვორტი გაარკვევენ.

ავტორის პროფილი

ირაკლი ნინიძე
ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
Post Views: 46