გოგას ხუთიანი – სარბიელი

გოგა ბითაძის „ინდიანა“ ნიუ იორკში „ნიკსს“ ესტუმრა და 113:119 დამარცხდა. ინდიანაპოლისელებს მთავარი ცენტრი, მაილს ტერნერი აკლდათ, ამიტომაც ბითაძის გამოჩენას ველოდით, მაგრამ რიკ კარლაილსმა ძირითადში ჯეიმს ჯონსონი დააყენა, რომელმაც 13 წუთში ქულა ვერ მოინაგრა. ბითაძე კი, საქმეში სათადარიგოთა სკამიდან ჩაერთო და პარკეტზე 15 წუთი გაატარა, რა დროშიც 5 ქულა, 3 მოხსნა და თითოც პასი, ჩაჭრა და დაფარება მიითვალა.

Pacers recall Goga Bitadze after two scorching hot games with Mad Ants ბითაძის მოედანზე ყოფნის დროს „ინდიანამ“ 10 ქულით მეტი ჩააგდო. გოგამ ერთი ორქულიანი ზუსტად ისროლა, პერიმეტრიდან კი ორჯერ შეუტია და ერთხელ ჩააგდო.

„ინდიანას“ 23 მოგება და 19 მარცხი აქვს და ამ მაჩვენებლით აღმოსავლეთ კონფერენციაში მეშვიდე ადგილზეა.

მომდევნო მატჩი ბითაძის გუნდს 14 იანვარს ელის – შინ, „ატლანტა ჰოუკსთან“. სწორედ ატლანტელებს მოუგო მეორე ქართველის, სანდრო მამუკელაშვილის „მილუოკი ბაქსმა“ 114:105, მაგრამ ჩვენებური განაცხადშიც არ ყოფილა. მილუოკელები 27 მოგებითა და 14 მარცხით დასავლეთ კონფერენციაში მესამე ადგილზე ჩამოქვეითდნენ. მომდევნო მატჩი „ბაქსს“, 13 იანვარს, „მაიამი ჰითთან“ ელის.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...