NBA-მ სეზონი შეაჯამა

ამერიკის ნაციონალურ საკალათბურთო ლიგაში გასული რეგულარული სეზონის MVP დაასახელეს – „მილუოკის“ ფორვარდი იანის ადეტოკუმბო.

მისი წყალობით გუნდმა ყველაზე მეტი გამარჯვება მოიპოვა, თავად იანისის მონაგარი კი საშუალოდ 27.7 ქულა, 12.5 მოხსნა, 5.9 გადაცემა, 1.3 ჩაჭრა და 1.5 ბლოკი იყო. ტიტულის სხვა ორი კანდიდატი ოკლაჰომელი პოლ ჯორჯი და ჰიუსტონელი ჯეიმს ჰარდენი გახლდნენ.

წლის საუკეთესო ახალბედად დალასელთა სლოვენიელი მცველი ლუკა დონჩიჩი აღიარეს, ვინც სადებიუტო სეზონში საშუალოდ 21.2 ქულით და 7.8 მოხსნით ეხმარებოდა გუნდს.

აქამდე წლის დებიუტანტად ევროპელთაგან პაუ გასოლი იყო დასახელებული და მას შემდეგ 17 წელი გავიდა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...