Month: October 2018

1979 წელი ქართული ფეხბურთისთვის საკმაოდ ტევადი გამოდგა – თბილისის „დინამომ“ პირველად ითამაშა ჩემპიონთა თასზე – მეთექვსმეტედფინალში ინგლისის ჩემპიონ „ლივერპულს“ მოუთავა საქმე და მომდევნო ეტაპზე გერმანიის ფედერაციული რესპუბლიკის ჩემპიონ „ჰამბურგერ შპორტფერაინს“ დაეტაკა. მაშინ დასავლეთ გერმანიაში ორი გუნდი ბობოქრობდა – მიუნხენის „ბაიერნი“ და „ჰამბურგი“. ეს გუნდები ევროპაში ერთ-ერთი საუკეთესონი იყვნენ. „ჰამბურგს“ ჰყავდა ევროპის 1978-1979 წლების საუკეთესო ფეხბურთელი…

რაღაც წვიმები მოგვეძალა. გასაკვირიც არაა – შემოდგომა მოვიდა. თანაც, წვიმა ჩვენს სტადიონზე კარგად დაცდილი რამ არის, ხომ გახსოვთ, „ლივერპულიც“ წვიმაში გავაცურეთ. ეს ამბავი ზუსტად ჩვიდმეტი წლის წინათ იყო. აჰ, ნეტავ იმ დროებას – ყიფიანმა მარჯვნიდან ჩამოაწოდა, გუცაევი კი ბურთიანად შევარდა კარში. მერე ჭილაიამ გადაიარა მოედანი და კიდევ ათასი რამ. დიახ, ძალიან წვიმდა, მაგრამ საამაყო დროება…

ნიკოლოზ ბასილაშვილმა პარიზის მასტერსი გამარჯვებით დაიწყო. პირველ წრეში მისი მეტოქე ავსტრალიელი ჯონ მილმანი გახლდათ, რომელიც მსოფლიო რეიტინგში 35-ე ადგილს იკავებს. პირველ სეტში ნიკამ ერთი მოწოდება აართვა მეტოქეს და მშვიდად მივიდა 6:4-მდე. მეორე სეტი არ შედგა – მილმანმა ტრავმა მოიმიზეზა და კორტზე აღარ გავიდა. მეორე წრეში ბასილაშვილის მეტოქე სამხრეთაფრიკელი კევინ ანდერსონი იქნება. 32 წლის ვეტერანი რეიტინგის…

გასულ შაბათს „დინამომ“ ის დრო გაგვახსენა, ეროვნული ჩემპიონატის პირველ წლებში რომ მიგვაჩვია. ქინქლაძე-არველაძეების თაობა რამდენიმე თავით მაღლა იდგა მოწინააღმდეგეებზე და ერთ მატჩში 8 თუ 10 გოლი იშვიათობა არ იყო. 12:4-იც გვახსოვს 1993-ში, „დინამომ“ რუსთავის „გორდას“ რომ მოუგო. ეს მატჩი დღემდე ყველაზე უხვგოლიანად ითვლება ეროვნული ჩემპიონატების ისტორიაში. „დინამოს“ ოფიციალური ვებ-გვერდი კი გვამცნობს, რომ სტუმრად 8 ბურთი…

ასეთი რამ კრივის მრავლისმნახველ ექსპერტებსაც არ ახსოვთ. ქართველი პროფესიონალი მოკრივე ლევან შონია რვარაუნდიან ბრძოლაში ბულგარელ სპას გენოვს დაუპირისპირდა. ქულებით ბულგარელმა გაიმარჯვა და… განაწყენებულმა შონიამ ჯერ მეტოქეზე გაიწია და როცა რეფერიმ არ მიუშვა, საკუთარ მწვრთნელს ორჯერ გემრიელად უთავაზა! ეტყობა, ამ უკანასკნელმა იწყინა და თავადაც წაუთაქა შეგირდს. მოკლედ, მაგარი სანახაობა შედგა! არადა, ბრძოლა სუპერმძიმესონოსანი კუბარტ პულევისა და…

„კამპ ნოუზე” ნამდვილი სპორტული სულის დემონტსტრაცია მოხდა: „ბარსელონას” ფანები ტრიბუნებიდან „რეალის” კაპიტან სერხიო რამოსს ერთხმად „ბ…ის შვილს” ეძახდნენ, მაგრამ მისმა კოლეგამ და ყოფილმა თამაგუნდელმა ესპანეთის ნაკრებში, ჟერარდ პიკემ ხალხს ჟესტით მოუწოდა სკანდირება შეეწყვიტა და გააჩერა.

მადრიდული „მარკა” წერს, რომ „რეალის” პრეზიდენტი ფლორენტინო პერესი თავის დირექტორატს უახლოეს საათებში მწვრთნელის საკითხზე დაელაპარაკება და ხულენ ლოპეტეკის სავარაუდოდ ანტონიო კონტე შეცვლის. „ელ კლასიკოში” 1:5 დამარცხება, როგორც ჩანს მადრიდელთა შეფების მოთმინების ფიალაში ბოლო წვეთი იყო. „მარკა” წერს, რომ კონტე ესპანეთის დედაქალაქში შესაძლოა ორშაბათსვე, ანუ დღეს, ის კი არა და დილითვე ჩაფრინდეს. და თუ კონტეს ასე…

უკვე არაერთი ბრიტანული წყარო ადასტურებს იმას რომ ლესტერული ავიაკატასტროფისას კლუბის პრეზიდენტი, ტაილანდელი ვიჩაი სრივასრივადჰანაპრაბჰა ვერტმფრენში იმყოფებოდა. შეგახსენებთ, გუშინ ლესტერი-ვესტჰემის მატჩის შემდგომ, კლუბის მფლობელის ვერტმფრენი სტადიონიდან ორას მეტრში სამოცი მეტრის სიმაღლიდან ჩამოვარდა და აფეთქდა. თავდაპირველად ისიც ითქვა რომ ბორტზე ლესტერის მწვრთნელი კლოდ პიუელიც იმყოფებოდა, თუმც ცოტა ხნის წინ პიუელმა ოფიციალური კომენტარი გააკეთა და განაცხადა რომ ჯანმრთელადაა…

დღეს „ელ კლასიკოა” — „კამპ ნოუზე” „ბარსელონა” „რეალს” მასპინძლობს. ეს გახლავთ ესპანეთის ორი უდიდესი კლუბის 272-ე დაპირისპირება, რომელიც აგრეთვე იმით არის საინტერესო, რომ 2007 წლის მერე პირველია, რომელშიც მონაწილეობას არც მესი მიიღბს და არც რონალდუ. თამაშის დაწყებამდე საათებია დარჩენილი. მოახლოებული მატჩის შესახებ აზრი ჰკითხეს პეპ გვარდიოლას — „ბარსას“ თავკაცს 2008-12 წლებში. მექსიკური Univision-ისთვის მას ინტერვიუ ყოფილმა თანაგუნდელმა, „ბლაუგრანასა”…

შაბათ საღამოს, „კინგ პაუერ სთედიუმის” გვერდით ჩამოვარდა „ლესტერის” მეპატრონის ვიჩაი სრივასრივადჰანაპრაბჰას ვერტმფრენი. ჯერაც არავინ ადასტურებს იმყოფებოდა თუ არა კატასტროფის დროს ბიზნესმენი ბორტზე. Sky Sport-ის თქმით, შესაძლოა რამდენიმე ადამიანი დაღუპულიყო. ვერტმფრენი „ლესტერისა” და „ვესტ ჰემის” თამაშის (1:1) შემდეგ აფრინდა, მაგრამ მყისვე უმართავი გახდა, დაენარცხა და ცეცხლის ალებად იქცა. კატასტროფის ადგილზე დაუყოვნებლივ მივიდნენ მაშველები, რომლებიც შოკირებულ თვითმხილველებს სთხოვდნენ…

“ბონჯორნო, გენაცვალე” – მყუდრო რესტორანია კრასნოდარში, როგორც იქაურები ამბობენ, ქართული რესტორანი იტალიური აქცენტით. ეს ის ადგილია, სადაც მშობლიურ გარემოს იქმნის კრასნოდარის და საქართველოს ეროვნული ნაკრების შემტევი, თორნიკე ოქრიაშვილი. “ოქრი” ახლაც “გენაცვალეშია” ქართველ მეგობრებთან ერთად და ცოტა ხანში ტელევიზორით მოუწევს “კრასნოდარის” საევროპალიგო გასვლითი მატჩის ყურება ბელგიურ “სტანდარდტთან”. სამწუხაროდ, სტანდარტული ვითარებაა – ოქრიაშვილი კვლავაც ტრავმირებულია და ამიტომაც…

ხვალინდელი „ელ კლასიკოს” წინ მოწყობილ პრეს-კონფერენციაზე „ბარსელონას” მწვრთნელმა ერნესტო ვალვერდემ თქვა, რომ დაჭრილი „რეალი” საღ-სალამათზე უფრო საშიშია. ვალვერდეს აზრით „კამპ ნოუზე” მოპოვებული წარმატება ხულენ ლოპეტეგის გუნდისთვის შეიძლება უებარი წამალი გამოდგეს. „ჩვენ ბოლო ორი თამაში („სევილიასა” და „ინტერთან”) შესანიშნავად ჩავატარეთ და ამ აღმასვლას ხვალინდელი წარმატებით შეიძლება დიდებული გაგრძელება მოვუძებნოთ, — თქვა „ბარსას” თავკაცმა, — გამარჯვებისთვის კი…

აი, ფინალიც მოვიდა. კიდევ არ უყურებ მსოფლიოს ჩემპიონატს? ეჰ, ახლა კი მომინდა ყურება, მაგრამ პარიზში მე ვერ წავალ და… პარიზში რა გინდა? ტელევიზორშიც აჩვენებენ. ეჰ… რა ეჰ… ეჰ, ტელევიზორში ვინ გაჩვენებს ფეხბურთს? რატომ? ბრაზილია ხომ თამაშობს დღეს? აბა როგორ. ჰოდა ტელევიზორში სულ ტრიბუნაზე დასკუპებული სუზანა ვერნერს გვაჩვენებენ. ეგ ვინ არის? აბა შენა ხარ. ეგ არის…

„სანის” ინფორმაციით ევროპის დიდი კლუბები ფეხბურთელების ხელფასებთან დაკავშირებით საიდუმლო მოლაპარაკებებს აწარმოებენ. მათ სურთ, რომ ჯამაგირების ზრდა უკონტროლო პროცესად არ გადაიქცეს. ისინი ფიქრობენ, რომ თუ მოვლენები კვლავაც ასე განვითარდა, დღეს და ხვალ თუ არა, მომავალში საკუთრივ ფეხბურთი დაზარალდება. ბოლო ორი-სამი თვეა რაც პრემიერლიგის კლუბებმა „ახალი რეალობის” აუცილებლობაზე დაიწყეს ლაპარაკი. არონ რემსიმ მოულოდნელად შეიტყო, რომ „არსენალმა” უკან…

იტალიურ მედიაში გავრცელდა ხმა, რომ ანტონიო კონტე 9,5 მილიონ გირვანქაზე უარის თქმას დაყაბულდა, ვინაიდან მისი სამსახურში აყვანა არც მეტი-არც ნაკლები „რეალს” უნდა. 49 წლის კონტე მადრიდში ხულენ ლოპეტეგის შემცვლელად შეუგულებიათ — მოგეხსენებათ ლოპეტეგის ხელში „თეთრების” საქმე ცუდად მიდის. ახლა იმის შესახებ, თუ რა 9,5 მილიონ გირვანქაზეა ლაპარაკი: კონტე „ჩელსის” თავკაცი იყო, რომელსაც დასავლეთ ლონდონელებმა ზაფხულზე…

ამბობენ, რომ „პარი სენ ჟერმენი” ნეიმარისა და კილიან მბაპეს შემდეგ, ზაფხულში, კიდევ ერთი გამორჩეული ვარსკვლავის ყიდვას აპირებს. არსებობს ასეთი იტალიური საიტი Calciomercato, რომელიც ტრანსფერების ამბავს აშუქებს. ის წერს, რომ პარიზელთა მომდევნო მსხვილი სამიზნე „რეალის” გერმანელი ნახევარმცველი 28 წლის ტონი კროოსია. თუ კროოსის მაღალ ოსტატობასთან ერთად იმასაც გავითვალისწინებთ, რომ პსჟ-ს მწვრთნელი თომას ტუხელი გერმანელია და გუნდში თანამემამულეს…

„მარსელი“ ევროპა ლიგის მატჩში „ლაციოს“ უმასპინძლებს. ფანები დაერივნენ ერთმანეთს და შედეგად, ერთი ფრანგი და ორი იტალიელი დაზიანდა. ფანების დაპირისპირება იმდენად არა საფეხბურთო, არამედ პოლიტიკურმა შეხედულებებმა გამოიწვია. „ლაციო“ ქომაგთა უმრავლესობა ულტრა–მემარჯვენე მიმართულებისაა, „მარსელის“ გულშემატკივრები კი, პირიქით, ანტი–ფაშისტური იდეოლოგიისა არიან. მარსელელთა გულშემატკივრებმა ღორის თავები ჩამოკიდეს იმ სასტუმროს ღობეზე, სადაც სტუმართა ფანები დაბინავდნენ. სხვათა შორის, ფანების ნაწილი რომში…

გარეთ ბეილი სულ დამტვრეულია, ქარიმ ბენზემა საკუთარი თავის ჩრდილია… „რეალში” სხვაც ბევრი რამ ხდება ისეთი, „ლოს ბლანკოსს” რომ არ შეჰფერის და ამიტომაც ამბობენ, მწვრთნელ ხულენ ლოპეტეგის წყალი აქვს შეყენებულიო. ამ ბოლო დღეებში კი გავრცელდა ჭორი, რომ ფლორენტინო პერესს „სანტიაგო ბერნაბეუზე” კვლავ ჟოზე მოურინიუს დაბრუნება უნდა. ეს რას ნიშნავს? ეს იმას ნიშნავს, რომ „მანჩესტერ იუნაიტედში” შესაძლოა…

ის, რომ სპორტს პოლიტიკასთან საერთო არაფერი აქვს ტყუილია და ეს კიდევ ერთხელ დამტკიცდა ოთხშაბათს, „კამპ ნოუზე”, სადაც „ბარსელონამ” „ინტერს” 2:0 მოუგო. სტადიონის ერთ-ერთ ტრიბუნაზე მასპინძლებს გამოფენილი ჰქონდათ ორი ბანერი, რომელთაგან ერთზე სტუმრებისთვის გასაგები რომ ყოფილიყო იტალიურად ეწერა: „კეთილი იყო თქვენი მობრძანება კატალონიის რესპუბლიკაში”. ეს პირველი შემთხვევა არ არის, როდესაც „ბარსელონა” ნებას აძლევს სეპარატისტულად განწყობილ ძალებს…

ეგებ ბართლომეს ღამეც კი დამერქმია ამ ოხრადდასარჩენი სვეტისთვის, ან გრძელი დანების ღამე – ან ღამე იმედისა და იდუმალ კრთომისა, როგორც ამას რომელიმე რომანტიკოსი მესვეტე უწოდებდა, მაგრამ განა ჩვენ რომანტიკოსები ვართ? ჩვენ ქალაქელი ხალხი გახლავართ და ფეხუბრთის ყურებაში ჭირი მოგვიჭამია. ჩვენ ძველი დროების ღამისმთევლებს ვგავართ, უცნაურ გუშაგებს – ქალაქის გალავნის კოშკურებზე რომ ფხიზლობდნენ. აბა, ძმობილო, გაიხსენე…

წელიწადზე მეტი გავიდა მას მერე, რაც კარლო ანჩელოტი „ბაიერნს” წვრთნიდა. 2017 წლის 27 სექტემბერს, როდესაც მიუნხენელებმა ჩემპიონთა ლიგის გერმანელთათვის ავადსახსენებელ შეხვედრაში „პარი სენ ჟერმენთან” 0:3 წააგეს, იტალიელმა თანამდებობა დატოვა. და აი, 2018 წლის 24 ოქტომბერს მან თავისი გუნდი კვლავ პარიზში ათამაშა — 2:2. ეს გუნდი ამჯერად „ნაპოლი” იყო და მან კინაღამ მოიგო. პსჟ-მ მხოლოდ მსაჯის…

სასტუმრო „ბილტმორში“ ძიუდოს ფედერაციის ყრილობა ჯერ დაწყებული არ იყო, როცა ნაკრების წევრთა ნაწილმა მედიისთვის განცხადება გააკეთა და ვარლამ ლიპარტელიანის პირით ყრილობის დელეგატებს უნდობლობა გამოუცხადა. ყრილობა და არჩევნები კი მაინც შედგა. მოწვეული 46 დელეგატიდან ახალი პრეზიდენტის არჩევნებში 41-მა მიიღო მონაწილეობა და იქიდან 40-მა ერთ კანდიდატს დაუჭირა მხარი – ფედერაციის ახალი პრეზიდენტი გიორგი ათაბეგაშვილი გახდა, ვინც ძიუდოს…

„მანჩესტერ იუნაიტედმა” ჩემპიონთა ლიგის ზედიზედ მეორე შეხვედრაზე დაიგვიანა. პირველი დაგვიანების ამბავი გუშინ გიამბეთ წერილში, „დღეს მანჩესტერი საცობში არ მოხვდება”. ეს ამბავი „სევილიასთან” თამაშის დღეს მოხდა და ამის გამო კლუბი უეფამ 13 ათასი გირვანქით დააჯარიმა კიდეც. დაგვიანების მიზეზი ავტობუსის საცობში მოხვედრა იყო. გაუგებრობის თავიდან აცილების მიზნით ჟოზე მოურინიუმ სასტუმრო შეცვალა და „იუვენტუსთან” თამაშის წინა დღეს გუნდი…

საბჭოთა კავშირის ნაკრების სახეს წლების მანძილზე მოსკოვის კლუბების, კიევისა და თბილისის „დინამოს“ ფეხბურთელები განსაზღვრავდნენ. მართლაც გამორჩეული, ჭეშმარიტი ლიდერი უნდა ყოფილიყო სხვა კლუბის ფეხბურთელი, რომ ამ სახელგანთქმული კლუბების მოთამაშეებთან ერთად საბჭოთა კავშირის ნაკრებში მოხვედრილიყო. იმ ქართველ ფეხბურთელებს შორის, რომელთაც საბჭოთა კავშირის ნაკრებში უთამაშიათ, მხოლოდ ორი არ წარმოადგენდა თბილისის „დინამოს“ (სლავა მეტრეველი და ანზორ კავაზაშვილი არა გვყავს…

„რეალმა” პლზენის „ვიქტორიას” 2:1 მოუგო და ხუთმატჩიანი დათარსული სერია დაასრულა, მაგრამ გამარჯვება შთამბეჭდავი არ ყოფილა და ხულენ ლოპეტეგის მომავალიც კვლავ ბუნდოვანია. არადა კვირას, 28 ოქტომბერს „კამპ ნოუზე” „ელ კლასიკოა”. „ბარსელონაში გუნდს მე ვუხელმძღვანელებ თუ არა, ჩემზე არ არის დამოკიდებული, — თქვა „რეალის” ბასკმა თავკაცმა მატჩისშემდგომ პრეს-კონფერენციაზე, — ერთადერთი, რაც ამჟამად დაბეჯითებით შემიძლია გითხრათ ის არის, რომ…

არაფერ შუაშია ჩვენი პიროვნული დამოკიდებულება. რუსი ფანების ქცევა რომის მეტროს ესკალატორმაც ვერ აიტანა… ინციდენტი ჩემპიონთა ლიგის „რომა“-ცსკას მატჩამდე ცოტა ხნით ადრე მეტროს სადგურ „რეპუბლიკაში“ მოხდა. მთვრალმა რუსმა ფანებმა ესკალატორზე ხტუნვა დაიწყეს, რამაც მისი მოწყვეტა გამოიწვია. თითქოს გაშმაგდაო, ისეთი სისწრაფით დაქანდა ესკალატორი. მეტროს თანამშრომლებს ორი წუთი მაინც დასჭირდათ სანამ გაიგებდნენ, საერთოდ რა მოხდა. რუსული კლუბის შვიდი…

„მანჩესტერ იუნაიტედის” ყოფილი ვარსკვლავი კრიშტიანუ რონალდუ მეორედ ჩავიდა „ოლდ ტრეფორდზე”, ამჯერად ახალი გუნდის შემადგენლობაში და კვლავ გაიმარჯვა. პლუს, მან სელფი გადაიღო ახალგაზრდა ფანთან, რომელიც მოედანზე შევარდა. ფანი ისე იყო ეგზალტირებული, რომ „სტრეტფორდ ენდიდან” პორტუგალიელამდე მიირბინა, სადაც სკაუტებმა იხელთეს. რონალდო ახალგაზრდასთან მივიდა, ორიოდ მეგობრული სიტყვა უთხრა და როგორც ზემოთ ავღნიშნეთ სელფი გადაიღო. შემდეგ გულშემატკივარი დაცვამ გაიყვანა….

ლეგენდარული ჩავი მწვრთნელობისთვის ემზადება, მაგრამ ამბობს, რომ მისი გუნდები არასდროს ითამაშებენ ისეთ ფეხბურთს, როგორსაც ჟოზე მოურინიუ ქადაგებს. „ბარსელონას” ნახევარდაცვის ყოფილი მაესტრო მოთამაშის კარიერას ასრულებს — ყატარის „ალ საადთან” ერთად აზიის ჩემპიონთა ლიგის საპასუხო ნახევარფინალური მატჩისთვის ემზადება ირანის „პერსეპოლისის” წინააღმდეგ და თან მომავალზე ლაპარაკობს: „99 პროცენტით ვარ დარწმუნებული, რომ ეს ჩემი კარიერის ბოლო სეზონია. უკვე 39…

დაგბურძგლავს, ხორკლი დაგაყრის ტანზე, გაგახსენდება ძველი დროება, დროება მარტოხელა მებრძოლთა, დროება მკლავისა და მუშტისა, ალალი სიტყვისა და ორ ყლუპად გამოცლილი არაერთი კათხისა. გაგახსენდება და მაშ, არ დაგბურძგლავს? გარდასული დრო იგი საამო, ორასი წელი მაინც გასულა იმ ხანიდან, როცა მუშტს ფასი კაცობით ედო და არა მილიონ დოლარებით… გზა და დგას ჩრდილოეთის წყლებში კუნძული, ადგილი კლდეებისა და…

კატალონიური გამოცემა „სპორტი” კვლავ „სევილიასთან” ლეო მესის დაშავების მომენტს უბრუნდება და ამტკიცებს, რომ გუნდი მოუმზადებელი აღმოჩნდა — „ბლაუგრანას” ფეხბურთელის შესაცვლელად მთელი 10 წუთი დასჭირდა. ივან რაკიტიჩი: „სამომავლოდ უნდა ვიცოდეთ, რომ ფეხბურთელის შეცვლა სწრაფად არის საჭირო. ჩვენ ცოცხლად მოქმედებისთვის უნდა ვიყოთ მზად. „სევილიასთან” ძალიან დიდხანს ვიყავით კაცნაკლული”. „ბარსელონას” ხორვატი ნახევარმცველი ოსმან დემბელეს მოედანზე შესვლის გაჭიანურებულ პროცესს…

დღეს ჩემპიონთა ლიგაში „მანჩესტერ იუნაიტედი” „იუვენტუსს” მასპინძლობს და ამ თამაშის წინ ჟოზე მოურინნიუს გუნდმა სასტუმრო შეცვალა. არა, აქ კარგად და ცუდად დაცდა არაფერ შუაშია. საქმე ის არის, რომ წინა ტურში, როდესაც მანჩესტერელები „ვალენსიას” ხვდებოდნენ, ისინი სასტუმროდან „ოლდ ტრეფორდისკენ” გზაზე ანუ თავიანთ ქალაქში თავად მოხვდნენ ისეთ საცობში, რომ სტადიონზე დარეკვა და თამაშის გვიან დაწყება მოუხდათ. ამის…

არიან სპორტსმენები, რომლებსაც თავიდანვე მოსდევთ გამარჯვებულის აურა – თავდაჯერებას და ღირსების გრძნობას ასხივებენ. ეგეთი ბიჭია გენო პეტრიაშვილი. ნამდვილი გოლიათი კეთილი ღიმილით. გუშინ საღამოს გენო ბუდაპეშტის მსოფლიო ჩემპიონატზე თავისუფალ ჭიდაობაში ტრიუმფატორი გახდა და ფინალში ჩინელი მეტოქე ისე შემოეჩაგრა, თითქოს გორის საჭიდაო დარბაზში ვარჯიშობდესო. ამ ოქროს შინდისელ გმირებს ვუძღვნიო, ჩემპიონმა. მაშინ, 2008 წელს სულ 14 წლის იყო…

„დინამო“ წლეულს „ლოკომოტივს“ შინ ვერ უგებს. მეორე წრეში სულაც 0:1 დამარცხდა. ახლა კი 0:0. არადა, სტუმრად ორივე შეხვედრა მოიგო, თან ორივეში რკინიგზელებს 4-4 გოლი გაუტანა. კვირას სტუმრები უფრო ორგანიზებულნი ჩანდნენ და ცოტა იღბალიც რომ ჰქონოდათ, ვიცე-ჩემპიონს სამ ქულასაც აართმევდნენ. დინამოელებს თითქოს ტერიტორიული უპირატესობა ეპყრათ (განსაკუთრებით ბოლო 15 წუთში), მაგრამ თამაშს ვერ ამწვავებდნენ. ყველაზე სახიფათო მომენტი…

ლა ლიგის მე-9 ტურში „ბარსელონამ” „სევილიას” 4:2 მოუგო და 18 ქულით პირველ ადგილზე განიმტკიცა ადგილი. იმავე ტურში ქულები დაკარგეს მისმა ტრადიციულმა კონკურენტებმა, მადრიდის გუნდებმა „რეალმა” და „ატლეტიკომ” — „რეალმა” შინ წააგო „ლევანტესთან” 1:2, ხოლო „ატლეტიკომ” „ვილიარეალთან” სტუმრად ითამაშა 1:1. და ყოველივე ამის მიუხედავად „ბარსა” მაინც პრობლემების წინაშეა. უპირველეს ყოვლისა, აღსანიშნავია კატალონიელების მთავარი ვარსკვლავის ლეო მესის…

ინგლისში წერენ, მაურიციო სარიმ შეიძლება „ჩელსის” გულშემატკივართა რისხვა მოიმკას, რადგან ჟოზე მოურინიუზე თქვა, მეტ პატივისცემას იმსახურებსო. შაბათს, მას მერე, რაც „სტემფორდ ბრიჯზე” დასავლეთ ლონდონელებმა „მანჩესტერ იუნაიტედთან” დრამატული 2:2 ითამაშეს „ჩელსის” ფანები ტრიბუნებიდან მოურინიუს ლანძღავდნენ, ხოლო ის მათ სამ თითს აჩვენებდა — მე აქ, თქვენთვის, უმადურებისთვის, სამი ტიტული მაქვს მოგებულიო. უკან არც „ლურჯების” ახლანდელმა თავკაცმა დაიხია. მან…

… როცა ამ სტრიქონებს კითხულობთ, შესაძლოა, ხულიან ლოპეტეგი აღარც არის „რეალის“ მწვრთნელი. თავდაპირველად მას სამშაბათს ჩემპიონთა ლიგაში „პლზენთან“ მატჩი დაუთქვეს ბოლო გამოცდად, მაგრამ არ დაგავიწყდეთ, რომ საქმე „რეალთან“ და ფლორენტინო პერესთან გვაქვს. მადრიდელებმა, საფეხბურთო ლოგიკით, „პლზენს“ ცხრა კაცითაც უნდა მოუგონ და მერე? როგორ გინდა, გამარჯვებული მწვრთნელი გაუშვა? პოპულარული „მარკა“ ამბობს, მადრიდელთა სავარაუდო მწვრთნელი გუტი –…

აბელარდო ბევრს ემახსოვრება. მხიარული ფიგურა იყო 90–იან წლებში, სახასიათო  გამომეტყველება ჰქონდა, „ბარსელონას“ მცველობით ნაცნობი იყო და გარეგნულადაც დასამახსოვრებელი ტიპაჟი. იმდენად დასამახსოვრებელი, რომ თბილისში, საბურთალოზე, ზოგიერთების მეტსახელიც „აბელარდო“ გახლდათ. ხიხონში დაიბადა და გაიზარდა, ითამაშა და იქიდან მოხვდა „ბარსელონაში“, სადაც რვა წელი დაჰყო. კარიერა კი „ალავესში“ დაასრულა. იმ „ალავესში“, რომელსაც ახლა წვრთნის და ეს პატარა კლუბი მეორე ადგილზე…

„რეალის” კრიზისი ღრმავდება — მადრიდელებმა შინ წააგეს „ლევანტესთან”, 1:2. AS წერს, რომ თამაშის დამთავრების შემდეგ იქვე, „სანტიაგო ბერნაბეუზე”, „ლოს ბლანკოსის” გაწბილებულ მწვრთნელ ხულენ ლოპეტეგის კლუბის პრეზიდენტი, ფლორენტინო პერესი შეხვდა და უთხრა, რომ თანამდებობიდან დაუყოვნებლივ არ მოხსნის. სამშაბათს, 23 ოქტომბერს, „რეალს” პლზენის „ვიქტორიასთან” ჩემპიონთა ლიგის შეხვედრაში კვლავ ლოპეტეგი უხელმძღვანელებს. ლოპეტეგისთან შეხვედრამდე ფლორენტინოს „რეალის” მოთამაშეებთან და ტექნიკურ პერსონალთანაც…

„ბარსელონას” მთავარი ვარსკვლავი შემდეგ კვირას „ელ კლასიკოში” ვერ ითამაშებს. მეტიც, მის მკურნალობას სამი კვირა დასჭირდება. ლიონელ მესიმ „სევილიასან” შეხვედრაში, რომელიც „ბლაუგრანამ” თავის მოედანზე 4:2 მოიგო, მკლავი გაიბზარა. ის 26-ე წუთზე ოსმან დემბელემ შეცვალა. ამრიგად, 28 ოქტომბერს გაიმართება 2007 წლის მერე პირველი „ელ კლასიკო” რომელშიც არც მესი მიიღებს მონაწილეობას და არც კრიშტიანუ რონალდუ. ტრავმის ამბავი უფრო ზუსტად…

 როდის იყო? მგონი 15 წლის წინ. ან ეგებ 20 წლის წინაც. ძველ გაზეთებს რომ ჩავუჯდე, ზუსტად ვიპოვი, მაგრამ, საჭირო არ არის – ამბის შინაარსი უარქივოდაც ზუსტად მახსოვს და თარიღს ახლა დიდი მნიშვნელობა არც აქვს. ამბავი კი ასეთი იყო: ერთგან, სიტყვამ მოიტანა და ფრანც ბეკენბაუერმა როგორღაც თქვა, გერმანიის ნაკრები რომ ვარ, საქართველოს და მოლდოვას რატომ უნდა…

„მსოფლიოში ყველაზე უაზრო შეჯიბრება” — ასე შეამკო ცოტა ხნის წინ ქართველების მოწონებული ერთა ლიგა „ლივერპულის” გერმანელმა მწვრთნელმა იურგენ კლოპმა, ამ დღეებში კი ახალი ენერგიით შეუტია მას: „მე მიყვარს დიდი შეჯიბრებები, მაგრამ ხანდახან სიჩქარე უნდა გამოცვალო. ერთა ლიგა კარგი იდეაა, ოღონდ სხვა სპორტში. ფეხბურთში მისთვის ადგილი არ არის”. რასაკვირველია, კლოპის უკმაყოფილება სანაკრებო წყვეტით არის განპირობებული. მისი…

მაურიციო სარი ამბობს, რომ პრემიერლიგის გუნდებს შორის საუკეთესო შემადგენლობა „მანჩესტერ იუნაიტედს” ჰყავს. დღეს, ჟოზე მოურინიუს სარის ნაქები ფეხბურთელები „სტემფორდ ბრიჯზე” მიჰყავს — მე-9 ტურის წინ „იუნაიტედი” „ჩელსის” 7 ქულით ჩამორჩება. ჩამორჩენის მიზეზი მრავალი შეიძლება იყოს. დასავლეთ ლონდონელთა თავკაცი როგორც ხედავთ მიიჩნევს, რომ ფეხბურთელების დონე აქ არაფერ შუაშია. პირიქით, იტალიელს სწამს, რომ თუკი მოთამაშეების ამპლუების მიხედვით…

პრეს-კონფერენცია, რომელსაც „ბაიერნის” ოფისში დღეს დიდი მღელვარებით ელოდნენ, ჩატარდა, მაგრამ მოლოდინი გააწბილა. თავიდან ის ვთქვათ, რატომ ელოდნენ ბავარიელთა შეფების ამ პრეს-კონფერენციას მოუთმენლად. იმიტომ, რომ ბოლო დღეებში ინტენსიურად ალაპარაკდნენ „რეკორდმაისტერში” არსენ ვენგერის შესაძლო დანიშვნის შესახებ. იყო მოლოდინი, რომ პრეს-კონფერენციაზე იანვრიდან ნიკო კოვაჩის არსენ ვენგერით შეცვლის ამბავს გამოაცხადებდნენ. შემდეგ ეს მოლოდინი გაძლიერდა, რადგან ითქვა, ჟურნალისტებს ული ჰიონესი,…

ბათუმის საჭადრაკო კლუბი “ნონა” ევროპის საკლუბო ჩემპიონატზე ვერცხლის მედლებს დაეუფლა. აღნიშნულ წარმატებას პრაქტიკულად იმავე შემადგენლობამ (ნანა ძაგნიძე, ნინო ბაციაშვილი, ლელა ჯავახიშვილი, ბელა ხოტენაშვილი) მიაღწია, რომელმაც ამასწინათ ბათუმში გამართულ საჭადრაკო ოლიმპიადაზე საქართველოს პირველ ნაკრების რიგებში ბრინჯაოს მედლები მოიპოვა, მხოლოდ სათადარიგო მოთამაშის პოზიციაზე მერი არაბიძის ადგილას სალომე მელია თამაშობდა. ქართველებმა ფინალში “CE Monte Carlo”-სთან 2:2 ითამაშეს და…

დაირხა ჭორი, რომ „ბაიერნის” შეფობა პრეს-კონფერენციას გეგმავს. თემა: არსენ ვენგერი და „რეკორდმაისტერი” ანუ მართალია თუ არა, რომ ფრანგი ბავარიელთა თავკაცი გახდება. ბოლო დღეებში „არსენალის” ყოფილ თავკაცს „ბაიერნთან” ძალიან ინტენსიურად აკავშირებენ. ამბობენ იმასაც, რომ მართალია ინიციატივა „ბაიერნს” ეკუთვნის, მაგრამ ვენგერიც მზად არის მოლაპარაკებისთვის ანუ სამსახურით დაინტერესებულია. „ლე პარიზიენი” წერს, რომ 68 წლის მწვრთნელმა ფრანგულ პრესას განუცხადა:…

2016 წლის ზაფხულში „იუვენტუსს” გონსალო იგუაინი მისთვის სარეკორდო თანხა, 90 მილიონი ევრო დაუჯდა. შემდეგ კი გავიდა ორი წელიწადი და ტურინულმა კლუბმა ახალი რეკორდი დაამყარა — 117 მილიონ ევროდ კრიშტიანუ რონალდუ იყიდა. და რა ბედი ეწია იგუაინს? მას მსოფლიოს ხუთგზის საუკეთესო ფეხბურთელისთვის ადგილის დათმობა დასჭირდა. თავდამსხმელს, რომელმაც „ბებერი ქალბატონის” მაისურით მეტოქეთა კარში ორ სეზონში 55 გოლი შეყარა,…

„ჩელსის” ალვარო მორატას შეცვლა სურს. ის „მილანის” პატრიკ კუტრონესა და „ინტერის” მაურო იკარდის უსინჯავს ნიადაგს. „სანმა” დასავლეთ ლონდონელთა ბანაკში შეიტყო, რომ კლუბს მოთმინების ფიალა აევსო — მორატას გაყიდვა და იანვარში მის ნაცვლად სხვა ფეხბურთელის მოყვანა უნდა. ამბობენ, რომ „ლურჯების” სიაში პირველი იკარდი წერია, მაგრამ თუ ამ საქმიდან არაფერი გამოვა, მაშინ მათ „ტოტენჰემ ჰოთსპურთან” კუტრონეს გამო…

გამარჯობა. დღეს რაზე ვილაპარაკოთ? რაღაა სალაპარაკო? რატომ? სიზმარი ვნახე და ყველაფერი გავარკვიე. რა სიზმარი? ვითომ ბრაზილია ჩემპიონი გამხდარიყოს, ბლატერი კი ფიფას პრეზიდენტი. უჰ, რა კოშმარული სიზმარი გინახავს. როგორ მეცოდები. მე რას გეცოდები, ფეხბურთი შეიცოდე. კიდევ ვნახე, რომ მარადონა ნაკრებში დააბრუნეს. აუჰ, კიდევ უფრო დიდი… კიდევ, ფრანგებს მაიკები აერიათ ინგლისელებთან თამაშის წინ და რახან ინგლისელებმა მოუგეს,…

სტამბოლის პროკურატურამ რამდენიმე ცნობილ ფეხბურთელთან დაკავშირებით გამოძიება დაიწყო. მათ შორის არის არდა თურანიცაა. როგორც იცით, არდა „ბარსელონას“ ეკუთვნის და თურქულ „ბასაკშეჰირში“ განათხოვრებით თამაშობს, თუმცა საქმე ფეხბურთს არ ეხება… 31 წლის არდაზე ეჭვობენ, რომ ცნობილ ისლამისტ ფეთჰულან გიულენთან თანამშრომლობს. თურქეთის მთავრობამ 2016 წელს მას სახელმწიფო გადატრიალების მცდელობაში დასდო ბრალი. შესაბამისად, არდა თურანსაც იგივეს ედავება. არდა თურანის…

ქართული ფეხბურთის ისტორიას კიდევ ერთი მნიშვნელოვანი თარიღი დაემატა – 16 ოქტომბერი. ამ დღეს საქართველოს ნაკრებმა ერთა D ლიგის პირველ ჯგუფში სტუმრად ლატვიის ეროვნული გუნდი 3:0 დაამარცხა და ჯგუფური ეტაპის დამთავრებამდე ორი ტურით ადრე, მეტოქეთათვის მიუწვდომელი გახდა. თანაც, ერთი ლიგით მაღლა აინაცვლა და მომავალ გათამაშებაში უკვე C ლიგაში იასპარეზებს, სადაც უფრო ძლიერი მოწინააღმდეგეები ეყოლება. მაგალითად: სერბეთი,…