ამხანაგური მოგება ისრაელთან

2027 წლის მსოფლიო ჩემპიონატის მეორე საკვალიფიკაციო ეტაპის წინ, საქართველოს კალათბურთელთა ნაკრებმა მეორე მოსამზადებელი მატჩი გამართა და ისრაელის ნაკრები 101:90 დაამარცხა.

ცუდი პირველი მეოთხედი გვქონდა – რვა ქულით წავაგეთ, მაგრამ მეორე მეოთხედის შუაში უკვე წინ ვიყავით. თამაში ქულა-ქულაში გაგრძელდა, მაგრამ ტაიმის მოგება მაინც მოვახერხეთ – 43:41.

მესამე მეოთხედი კიდევ უკეთ დავიწყეთ და შვიდი ქულითაც დავწინაურდით, მაგრამ ისრაელი არ დანებდა, ტემპს მოუმატა და ბოლო მეოთხედის წინ უკვე ქულით ვაგებდით – 68:69.

დასკვნითი მეოთხედის დაწყებამდე ჯიკიჩმა სასტარტო ხუთეულის წევრებს დასვენების საშუალება მისცა, მაგრამ სათადარიგოებმაც კარგად ითამაშეს. ერთ, ხუთწამიან მონაკვეთში ფევაძემ და სანაძემ ზედიზედ ორი სამქულიანი ჩააგდეს და საქართველო 83:78 დაწინაურდა.

ისრაელი ისევ არ გატყდა და წინ გასვლაც მოახერხა. სერბმა სპეციალისტმა მოედანზე ძირითადი ბირთვი დააბრუნა და…

უნდა ითქვას, რომ 10-ქულიან ზღვარს ერთბაშად ხუთი ქართველი კალათბურთელი ასცდა: გოგა ბითაძემ მატჩი 22 ქულით დაასრულა; სანდრო მამუკელაშვილმა 20 ქულა ჩააგდო; შენგელიამ – 17; ანდრონიკაშვილმა – 12, სანაძემ – 11.

ავტორის პროფილი

გიორგი ღოღობერიძე: გერმანელების დიდი გულშემატკივარი. მისი დღეები მოწყენილობით სავსე იქნებოდა, რომ არ არსებობდეს პაულანერი და ფრანც ბეკენბაუერი.

უახლესი პოსტები

Post Views: 368