ესპანეთისა და ირანის ნაკრებთა შეხვედრის 63-ე წუთზე ირანელმა საეიდ ეზატოლაჰიმ გოლი გაიტანა, მაგრამ ის არ ჩათვალეს. მიზეზი: თამაშგარე მდგომარეობა. თუმცა, ყველაფერი ისე სწრაფად და დინამიკაში მოხდა, რომ ვიდეორეფერის ანალიზი გახდა საჭირო. მომენტს განსაკუთრებული დრამატულობა იმან შესძინა, რომ ირანელმა ფეხბურთელებმა მსაჯებისკენ არც კი გაიხედეს, არც კი დაუნახავთ მათი გოლი ეჭვქვეშ რომ იდგა და თავაწყვეტილები ზეიმობდნენ. ეპიზოდის...
ესპანეთთან და მაროკოსთან მსოფლიო ჩემპიონატის ორ შეხვედრაში კრიშტიანუ რონალდუს ოთხი გოლი დაუგროვდა და ერთპიროვნულად ლიდერობს ბომბარდირთა დავას. მომდევნო შეხვედრას პორტუგალია ირანთან გამართავს. თუ ოდნავ იქითაც გავიხედავთ, მერვედფინალში რუსეთი ან ურუგვაი იქნება მეტოქე და კრიშტიანუს რეალური შანსი აქვს, საგოლე მარაგი შეივსოს. ეს რად დაგვჭირდა: აგერ უკვე 44 წელია, მსოფლიოს ჩემპიონატის ბომბარდირობისთვის 6 გოლიც საკმარისი იყო ერთადერთი...
სტანისლავ ჩერჩესოვის გუნდი ფაქტობრივად მერვედფინალშია და ამას თეორიული დასტურიღა სჭირდება. რუსეთი ჯგუფში მხოლოდ იმ შემთხვევაში ჩარჩება, თუ საუდის არაბეთი დღეს ურუგვაის და ბოლო ტურში ეგვიპტეს დიდი ანგარიშებით დაამარცხებს, თუმცა, ესეც არ კმარა – ბოლო ტურში თავად რუსეთმა ურუგვაისთან კატასტროფული სხვაობით უნდა წააგოს. დამეთანხმებით, ზღაპარია. მოკლედ, რუსეთი პირველი მერვედფინალისტია და ჩრდილოელებს მადა ჭამაში მოუვიდათ. რატომაც არა?...
ამას ვრცელი თხრობა არ სჭირდება: სენეგალელი ფანები, მას მერე რაც მათმა ნაკრებმა პოლონეთს 2:1 მოუგო, ტრიბუნაზე დარჩნენ და თავიანთი დაყრილი ნაგავი აალაგეს! ცნობისთვის: სენეგალელი ფანები არ არიან ერთადერთნი, ვინც რუსეთში სტადიონზე თავისი ნაგავი აალაგა. ასევე მოიქცნენ იაპონელები და კოლუმბიელები.
ჯეკ უილშერმა განაცხადა, რომ თვის ბოლოს „არსენალს” დატოვებს. ინგლისელის თქმით, ის „მეთოფეთა” ახალმა მწვრთნელმა, ბასკმა უნაი ემერიმ შეავიწროვა. 26 წლის ნახევარმცველმა ინსტაგრამით ამცნო გულშემატკივრებს, რომ ემერიმ პირობა წაუყენა: „ემირეითზე” დარჩენა თუ გინდა ხელფასის შემცირებას დაჰყაბულდიო. ასეთმა წინადადებამ მისთვის ცხადი გახადა, რომ გუნდიდან უშვებენ და მოლაპარაკებების გაგრძელება დიდად აღარც კი ცადა. ჯეკ უილშერი „არსენალში” 2001 წლიდანაა....
მას მერე, რაც მსოფლიოს ჩემპიონატის დაწყებამდე 24 საათით ადრე ესპანეთის ნაკრების თავკაცის თანამდებობაზე ხულენ ლოპეტეგი შეცვალა, ფერნანდო იერო დღესა და ღამეს შრომაში ასწორებს და გადატანილი სკანდალის მიუხედავად სწამს, რომ მის გუნდს ტრიუმფამდე მისვლა შეუძლია. „მარკასთვის” მიცემულ ინტერვიუში მან თქვა: „გუნდმა მომხდარი ისე გადაიტანა, რომ აშკარად გამოჩნდა, თუ რა დაღვინებულ და შეგნებულ ხალხთან გვაქვს საქმე. ახალ...
ვატუტინკიში, გერმანიის ნაკრების ბაზაზე შეკრებილ ჟურნალისტებს მანუელ ნოიერთან პრეს-კონფერენციის ცდა მოუხდათ. მსოფლიოს ჩემპიონთა მეკარემ მთელი 50 წუთით დაიგვიანა. მიზეზი: ფეხბურთელები საგანგებო თათბირზე იყვნენ, რომელიც დიდხანს გაგრძელდა. ნოიერმა ბოდიში მოიხადა: „მაპატიეთ დაგვიანებისთვის! დამატებითი კრება გვქონდა, რომელიც გაჭიანურდა. ეს იყო გამოსაფხიზლებელი თათბირი. ჩვენს გუნდში ისეთი ინტენსიური და საქმიანი საუბრები მექსიკასთან დამარცხების შემდეგ რომ არის, ადრე არასდროს ყოფილა....
„მანჩესტერის“ ყოფილმა ფეხბურთელმა პატრის ევრამ ITV-სთან ინტერვიუში კრიშტიანუ რონალდუზე ორიოდ ამბავი გაიხსენა. მაგიდის ჩოგბურთი ფერდინანდი და რონალდუ მაგიდის ჩოგბურთს თამაშობდნენ. რიომ მოუგო, ჩვენ ვხალისობდით, რონალდუ კი აშკარად ნაწყენი იყო წაგებით. ბიძაშვილს დაავალა ჩოგბურთის მაგიდის ყიდვა და სახლში ორკვირიანი ვარჯიშის შემდეგ ფერდინანდი ჩვენ თვალწინ დაამარცხა. ამიტომაც არ მიკვრის, რომ სულ გამარჯვება სწყურია, მსოფლიოს ჩემპიონობაც უნდა და...
გერმანიის ნაკრების ყოფილი ვარსკვლავი შტეფან ეფენბერგი შიშობს, რომ მსოფლიოს მოქმედ ჩემპიონს შაბათს შვედებთანაც გაუჭირდება. თავის ბლოგში მან დაწერა: „შვედებს სამხრეთ კორეასთან გამარჯვების შემდეგ ძალიან კომფორტული პოზიცია უკავიათ. ისინი გერმანიის ნაკრებთან საკუთარ თავში დარწმუნებულები ითამაშებენ, ჩვენ კი კედელთან ვართ მიყენებულები”. ეფენბერგმა ბუნდესმწვრთნელი იოაჰიმ ლიოვი გააკრიტიკა. მისი აზრით მარკო როისი მექსიკასთან სასტარტო შემადგენლობაში უნდა ყოფილიყო. „ვერ მივხვდი...
მექსიკასთან 0:1 მარცხის მიუხედავად „მანჩესტერ იუნაიტედის” მწვრთნელსა და მსოფლიოს ჩემპიონატის ექსპერტს ჟოზე მოურინიუს მიაჩნია, რომ გერმანიის ნაკრები შეიძლება ფინალშიც კი გავიდეს. პორტუგალიელმა თქვა: „ჯგუფი, რომელშიც გერმანია გამოდის საკმაოდ სუსტია, ასე რომ ჩვენ მსოფლიოს მოქმედ ჩემპიონს მეოთხედფინალში ვიხილავთ. ის კი არა, მიუხედავად იმისა, რომ მან მექსიკასთან ცუდად ითამაშა, შეიძლება ნახევარფინალსა და ფინალშიც კი ვნახოთ”. „შპორტ ბილდი”...