აქეთურ-იქითური, სიახლეები

უმედლო ოლიმპიადა

28/09/2026 | 12:2328/09/2026 | 12:23By ირაკლი ნინიძე
უმედლო ოლიმპიადა

სამარყანდში დასრულდა 46-ე საჭადრაკო ოლიმპიადა, რომლის ბოლო ნაწილი ქართველებისთვის კარგი ნამდვილად ვერ გამოდგა.

საქართთველოს ქალთა ნაკრებმა მედლებისთვის ბრძოლის შანსი, ფაქტობრივად, მერვე ტურში დაკარგა, როდესაც ტურნირზე ერთად-ერთი მარცხი განიცადა – ჩინეთთან 1,5:2,5; მერე იყო საბერძნეთთან 2:2, ინგლისთან – 2,5:1,5 და ინდოეთთან 2:2. საბოლოოდ, მეორე განთესვის საქართველო ექვსი მოგებით, ოთხი ყაიმითა და ერთი მარცხით მერვე ადგილზე გავიდა. ჩემპიონი ჩინეთი (20 ქულა) გახდა; მეორე იყო ყაზახეთი (18); მესამე – ინდოეთი (17); პირველ დაფაზე ნანა ძაგნიძე 15 საუკეთესოშიც ვერ მოხვდა; ნინო ბაციაშვილმა მეორე დაფაზე მე-12 შედეგი აჩვენა; მესამე დაფაზე ბელა ხოტენაშვილი მესამე იყო; მეოთხე დაფაზე ლელა ჯავახიშვილი მე-10 იყო და ასეთივე შედეგი დააფიქსირა სათადარიგო მერი არაბიძემ.

29-ე განთესვის კაცთან ნაკრები კი ექვსი მოგებით, ორი ყაიმითა და სამი მარცხით 28-ე ადგილზე გავიდა. ჩვენებმა ბოლო ტურებში კოსტა-რიკას 3:1 აჯობეს და თითქოს მედლის შანსიც გაჩნდა, მაგრამ უკრაინასთან 1,5:2,5 დამარცხდნენ, რის შემდეგ ინდონეზიასთან (3,5:0,5) მოგება მედლისთვის საკმარისი აღარ იყო და ბოლო ტურში ესპანეთთან 1:3 წააგეს. აქ უზბეკეთმა (20) იჩემპიონა; მეორე და მესამე ადგილები ინდოეთმა (18) და გერმანიამ (18) დაიკავეს. კაცებიდან 15-ში მხოლოდ სათადარიგო ლუკა პაიჭაძე (მეშვიდე ადგილი) მოხვდა.

ავტორის პროფილი

ირაკლი ნინიძე
ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
Post Views: 23