მამუ დაბრუნდა, ტორონტომ წააგო

ერთმატჩიანი უქმობის შემდეგ სანდრო მამუკელაშვილი „ტორონტოს“ დაუბრუნდა, კანადური გუნდი კი შინ „ლოს ანჯელეს კლიპერსთან“ ოვერტაიმიან ბრძოლაში 117:121 დამარცხდა.

მამუ მოედანზე სათადარიგოთად შევიდა და 22.10 წუთი გაატარა, რა დროშიც გუნდს 13 ქულა, 2 მოხსნა და 1 პასი შეაშველა. სანდრომ ექვსივე ორქულიანი და ერთადერთი საჯარიმო ჩააგდო, ხოლო სამივე სამქულიანი არაზუსტად ისროლა. პასივში ასევე ერთი დაკარგვა ჰქონდა, მაგრამ მისი მოედანზე ყოფნისას „ტორონტომ“ მეტოქეზე 14 ქულით მეტი ჩააგდო, რაც გუნდში საუკეთესო მაჩვენებელი იყო.

ახლა „ტორონტო“ 24 მოგებითა და 18 მარცხით აღმოსავლეთ კონფერენციაში მეოთხე ადგილზეა, მომდევნო მატჩს კი, მეორე „ლოს ანჯელეს ლეიკერსთან“ ითამაშებს.

Sandro Mamukelashvili ignites Raptors off the bench: 'He's good at … every little thing' - The Athletic

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...