სამქულიანები – სარბიელი

Pictures: Magic beat Wizards 139-120 „ორლანდო მეჯიქი“ ბოლოს 15 ნოემბერს, ბრუკლინში დამარცხდა და მას შემდეგ ზედიზედ ცხრა მატჩი მოიგო.

დილით, „ორლანდომ“ ორი დღის წინ ძლეულ „ვაშინგტონს“ ერთი მარცხიც აგემა – ამჯერად 130:125. ქართველი ცენტრი გოგა ბითაძე სასტარტო ხუთეულში იყო და მოედანზე 24 წუთი გაატარა, რა დროშიც 3 ქულა, 5 მოხსნა, 4 პასი, 2 დაფარება მიითვალა.

უნდა ვთქვათ ისიც, რომ ბითაძემ მთელს შეხვედრაში ერთხელ ისროლა და სამქულიანი ჩააგდო. 14 მოგებითა და 5 მარცხით „ორლანდო“ აღმოსავლეთ კონფერენციაში „ბოსტონის“ შემდეგ მე-2 ადგილზეა და მომდევნო მატჩი სწორედ „ბრუკლინში“ ელის.

თამაში მოუწია სანდრო მამუკელაშვილსაც, ვისაც გრეგ პოპოვიჩი დიდად აღარ სწყალობს. „სან ანტონიო“ კი „ნიუ ორლეანთან“ დამარცხდა – 106:121. მამუკელაშვილს ექვსი წუთი დაეთმო, რა დროშიც 3 ქულა, 1 მოხსნა და 1 პასი დააგროვა. სანდრომ 2 სამქულიანიდან 1 ჩააგდო, 1 ორიანი კი, ააცილა. „სან ანტონიო“ 3 მოგებითა და 16 მარცხით კონფერენციაში ბოლო ადგილზეა, მომდევნო მატჩი კი, სტუმრად, კონფერენციის ლიდერ „მინესოტასთან“ ელის.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...