დინამომ ლიგაში ზედიზედ მეორედ მოიგო

თბილისის „დინამომ“ წყალბურთელთა ჩემპიონთა ლიგაში 8 მარცხის შემდეგ, ზედიზედ მეორე შეხვედრა მოიგო და სატურნირო ცხრილში ბოლო ადგილს თავი აარიდა.

დეიან სტანოევიჩის გუნდმა შინ სერბული „რადნიჩკი“ მიიღო და 13:8 დაამარცხა. მატჩის ბედი პირველ მეოთხედში გადაწყდა, რომელიც ქართველებმა 4:0 მოიგეს. შემდეგი მეოთხედები თანაბრად წარიმართა – მეორე და მესამე ფრედ დასრულდა, ბოლოს „დინამომ“ უპირატესობას ერთი გოლიც დაამატა და დამსახურებულადაც მოიგო.

დინამოელთაგან 4 ბურთი სტეფან პიეშივაცმა გაიტანა, 3 ბურთი საბა ტყეშელაშვილის ანგარიშზეა, ანდრია ვლაჰოვიჩმა და იოვან სარიჩი 2-2 შეაგდეს, ბესო ახვლედიანმა და გიორგი მაგრაქველიძემ – 1-1.

„დინამოს“ 6 ქულა აქვს, კიდევ ერთი მოგებით კი, „რადნიჩკისაც“ გადაასწრებს. მომდევნო მეტოქე კი „იადრანია“, რომელიც 10 ქულით მეხუთე ადგილზეა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...