შავი ოქრო პარიზში

ზედიზედ მეორედ - ლაშა შავდათუაშვილმა პარიზის გრანდ სლემი მოიგო პარიზის „გრანდ სლემის“ პირველივე დღეს საქართველოს დელეგაციამ ოქრო მოინაგრა. ძოიდოისტი ლაშა შავდათუაშვილი (71კგ) პრესტიჟული ტურნირის გამარჯვებული გახდა. ჩვენებურმა ფინალში ბრაზილიელ დანიელ კარნინს ლამაზი გდებით მოუგო და საფრანგეთის დედაქალაქში ქართული ჰიმნი ააჟღერა.

შავდათუაშვილი ოქროსკენ მიმავალ გზას დომინიკელი ანტონიო ტონალის ძლევით შეუყვა. შემდეგ იტალიელ გაბრიელე სულის, ყაზახ დანიარ შამშიაევს და კორეელ ჰეონ ჩოლ კანგი მოუგო.

გუშინვე თემურ ნოზაძემ (60) ორი ბრძოლა მოიგო, მაგრამ მეოთხედფინალში აზერბაიჯანელ ბალაბაი აღაევთან დამარცხდა და რეპეშაჟში გადაინაცვლა, სადაც კორეელ ჰარიმ ლისთან დამარცხდა და უმედლოდ დარჩა. ორი მეტოქე დაამარცხა ბაგრატ ნინიაშვილმაც (66), მაგრამ მოლდოველ დანიელ ვიერუსთან დამარცხდა და ასპარეზობას გამოეთიშა.

ქალთა შორის იჭდავა მარიამ ციხელაშვილმაც (57), მაგრამ პირველივე ბრძოლაში კუბელ არნაის ოლდელინ გარსიასთან წააგო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...