არ მივდივარ ! – სარბიელი

PSG want to get rid of Neymar: Is a Barcelona return possible? | Barca Universal „პარი სენ-ჟერმენის“ დიდვარსკვლავმა, ნეიმარმა, ჟურნალისტებს უთხრა, რომ პარიზული კლუბის დატოვებას უახლოეს მომავალში არ აპირებს.

„დღემდე ჩემთვის ტრანსფერის თაობაზე არავის არაფერი უთქვამს. მე კი ზუსტად ვიცი, რომ ამ კლუბში თამაში კიდევ დიდხანს მსურს“, – დასძინა 30 წლის ბრაზილიელმა.

საქმე ის არის, რომ წინა დღეებში გავრცელდა ინფორმაცია, თითქოს ღირსეული წინადადების მიღების შემთხვევაში, პსჟ მზადაა ნეიმარს შეელიოს. ასევე, დაირხა ჭორი: კილიან მბაპეს, რომელსაც ახლა ლამის მმართველის ფუნქცია უბოძეს, ბრაზილიელის გუნდში ხილვა აღარ სურსო.

ახალდამთავრებულ სეზონში, ნეიმარმა პსჟ-ის მაისურით ყველა ტურნირში 28 მატჩი ჩაატარა, 13 ბურთი გაიტანა და რვა საგოლე პასი შეასრულა. კლუბთან მის არსებულ კონტრაქტს ვადა 2025 წლის ზაფხულში ეწურება.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.