ბასილაშვილი თიხაზე გადავა

ქართველი ჩოგბურთელი ნიკოლოზ ბასილაშვილი ორშაბათიდან თიხნარზე გადაინაცვლებს და იტალიის ქალაქ კალიარიში დაგეგმილ ტურნირში ითამაშებს, რომლის საპრიზო ფონდი 408.800 ევროა.

სარდინიის ღია პირველობა წლეულს პირველად ტარდება და ჯერ მხოლოდ ერთწლიანი ლიცენზია აქვს. იტალიურ ქალაქში მსოფლიო ჩოგბურთის ვარსკვლავებს ვერ ვიხილავთ, რაც ბასილაშვილის შანსებს ზრდის.

29 წლის ქართველი ჩოგბურთელი, რომელიც მსოფლიო რეიტინგში 38-ე ადგილზე იმყოფება, ტურნირში მე-4 განთესვით ჩაებმება. მასზე უკეთესი რეიტინგი კი მხოლოდ დანიელ ევანსს (დიდი ბრიტანეთი), ტეილორ ფრიცსა (აშშ) და ლორენცო სონეგოს (იტალია) გააჩნიათ.

ნიკოლოზ ბასილაშვილი ყოფილ მეუღლეზე ძალადობისთვის დააკავეს - Primetime

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...