ნიკოლოზ ბასილაშვილი SAN DIEGO OPEN-ის (საპრიზო ფონდი 661.800 დოლარი) პირველივე წრეში იტალიელი ლორენცო სონეგოსთან 3:6; 4:6 დამარცხდა. ჩვენებური აშკარად არ იყო იშტაზე, ხოლო მეტოქემ პრაგმატულად ითამაშა და მარტივად მოიგო. პირველი სეტი თანაბარი ბრძოლით დაიწყო, მაგრამ მერვე გეიმში ნიკას საკუთარი ჩაწოდება დათმო და სეტიც წააგო. მეორე სეტში სანოგო საქმე არ გადადო და ბასილაშვილს პირველივე ჩაწოდება აართვა. [...]
ქართველი ჩოგბურთელი ნიკოლოზ ბასილაშვილი ორშაბათიდან თიხნარზე გადაინაცვლებს და იტალიის ქალაქ კალიარიში დაგეგმილ ტურნირში ითამაშებს, რომლის საპრიზო ფონდი 408.800 ევროა. სარდინიის ღია პირველობა წლეულს პირველად ტარდება და ჯერ მხოლოდ ერთწლიანი ლიცენზია აქვს. იტალიურ ქალაქში მსოფლიო ჩოგბურთის ვარსკვლავებს ვერ ვიხილავთ, რაც ბასილაშვილის შანსებს ზრდის. 29 წლის ქართველი ჩოგბურთელი, რომელიც მსოფლიო რეიტინგში 38-ე ადგილზე იმყოფება, ტურნირში მე-4 განთესვით [...]