ჰიონესი ლიოვს დაემუქრა

მიუნჰენის „ბაიერნის“ პრეზიდენტის სიტყვები „შპიგელზე“ დაყრდნობით გავრცელდა. ული ჰიონესი დაიმუქრა, რომ „ბაიერნი“ ნაკრებში ფეხბურთელებს აღარ გაუშვებს, თუ ძირითად შემადგენლობაში მარკ-ანდრე ტერ შტეგენი მანუელ ნოიერის ადგილს დაიკავებს.

„ეს სიტყვები იოაჰიმ ლიოვამდეც მივა,“ – განაცხადა ჰიონესმა. ცოტა ხნის წინ ტერ შტეგენსა და ნოიერს შორის ტექსტური შეხლა-შემოხლა სოციალურ ქსელებში გაიმართა. ტერ შტეგენის დაწინაურების სურვილს ლიოვი არ მალავს.

გერმანელებს უახლოესი ორი მატჩი ესტონეთთან და არგენტინასთან აქვთ. ვარაუდობენ, რომ „ბარსელონას“ გოლკიპერი სასტარტოში სწორედ ესტონეთთან გამოჩნდება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...