მესი და რონალდუ

ლეო მესიმ კატალონიის რადიოსთვის მიცემულ ინტერვიუში ბევრ საკითხზე ილაპარაკა, რომელთა შორის ერთ-ერთი კრიშტიანუ რონალდუს „რეალიდან” „იუვენტუსში” გადასვლა იყო.

„რეალი მსოფლიოს ერთ-ერთი საუკეთესო გუნდია დიდებული შემადგენლობით, მაგრამ ფაქტია, რომ კრიშტიანუ რონალდუს წასვლა მისთვის კარგი ვერაფრით იქნება. ეს ჩემპიონთა ლიგის ერთ-ერთ აშკარა ფავორიტად „იუვენტუსს” აქცევს.

რონალდუს გადასვლამ გამაკვირვა. ვერც ის წარმომედგინა „რეალს” თუ დატოვებდა და ვერც ის, „იუვენტუსში” თუ გადავიდოდა. მისი შეძენა ძალიან ბევრ კლუბს უნდოდა. გამიკვირდა, მაგრამ ის ძალიან კარგ გუნდში გადავიდა”.

შემდეგ მესის ჰკითხეს თავად თუ წარმოუდგენია, რომ ოდესმე შეიძლება „ბარსელონადან” წავიდეს.

„აქ ყველაფერი მაქვს. 13 წლისა ჩამოვედი და მთელი ცხოვრება აქ გავატარე. მსოფლიოს საუკეთესო გუნდში ვთამაშობ და ერთ-ერთ საუკეთესო ქალაქში ვცხოვრობ. არსად გადასვლა არ მჭირდება”, — უპასუხა მან.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 19