“აუდიმ” ისევ ჩამოარიგა

“რეალის” თოთხმეტმა ვარსკვლავმა “აუდისგან” საჩუქრად ძვირი ავტომობილები მიიღო. ყველაზე ზეპური მანქანა კრიშტიანუ რონალდუს ერგო. მოგეხსენებათ, გერმანული საავტომობილო კონცერნი ესპანეთის ჩემპიონისა და ევროპის ჩემპიონთა თასის მფლობელის სპონსორია და ფეხბურთელებს ხშირად ჩუქნის ახალ მანქანებს.

რონალდუს რომელმაც ამ დღეებში ერთ-ერთი თავისივე რეკორდი მოხსნა, RS7-ის სპორტული ვერსია ხვდა. რეკორდი კი ასეთია: სამშაბათს მადრიდელებმა “აპოელთან” 6:0 გაიმარჯვეს, ექვსიდან ორი პორტუგალიელმა გაიტანა, რის შედეგადაც წლის განმავლობაში ,ჩემპიონთა ლიგაში გატანილი გოლების რაოდენობა 18 გაუხდა. ასეთივე მანქანა, ჩვეულებრივ მოქალაქეს 168 300 ევრო დაუჯდებოდა.

თუმცა, ყველაზე ძვირი მანქანა სერხიო რამოსს ხვდა. რბილი სახურავითა და შავი დისკებით გაწყობილი R8 Spyder-ის ფასი 225 ათასი ევროს ფარგლებშია.

სერხიო რამოსს “აუდიმ” ყველაზე ძვირი მანქანა აჩუქა

რაკი ყველაზე ძვირი საჩუქარი ვახსენეთ, ყველაზე იაფიც ვთქვათ. თეთრი კუპე S5, რომლის ფასიც მხოლოდ 55 ათასი ევროა, ახალგაზრდა მარკო ასენსიოს ერგო.

“რეალის” თავკაცს, ზინედინ ზიდანს რონალდუს მსგავსი ავტომობილი, Rs6 Avant-ი გადასცეს.

“რეალის” ფეხბურთელებმა ნამდვილი რბოლაც მოაწყვეს. გაიმარჯვა კარვახალმა

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.