რომის „სტადიო ოლიმპიკოზე” იტალიის თასის ფინალში „ნაპოლიმ” „იუვენტუსს” პენალტების სერიით აჯობა. ძირითადი დრო დასრულდა 0:0. საგოლე მომენტები ორივე გუნდს ჰქონდა, თუმცა არცთუ მრავლად. ქების ღირსი იყვნენ მეკარეები, 23 წლის ნეაპოლელი ალექს მერეტი და 42 წლის ტურინელი ლეგენდა, უბერებელი ჯანლუიჯი ბუფონი. სიახლე გახლდათ თავად თამაშის ფორმატში: ფრედ დასრულებული ძირითადი დროის შემდეგ დამატებითი 30 წუთი არ დანიშნულა,...
იტალიის თასის ფინალში ერთმანეთის პირისპირ ტურინის „იუვენტუსი“ და „ნაპოლი“ წარსდგებიან. ნახევარფინალში ორივემ მილანური ბარიერი გადალახა – ტურინელებმა „მილანს“ აჯობეს, ნეაპოლელებმა კი ორი მატჩის ჯამში „ინტერი“ დაამარცხეს. ბუნებრივია, შეხვედრა უმაყურებლოდ ჩაივლის, მაგრამ სერია A-ს გენერალური დირექტორის ლუიჯი დე სიერვოს განცხადება მაინც მოულოდნელი იყო: „მატჩის შემდეგ გუნდები დამოუკიდებლად დაიჯილდოებენ თავს. ცერემონიაში არც ერთი გარეშე პირი არ ჩაერევა....
ანტონიო კონტემ თქვა, რომ იტალიის თასის ორი ნახევარფინალური შეხვედრის ჯამში მისი „ინტერი” „ნაპოლიზე” მეტად იმსახურებდა ფინალში გასვლას. კონტეს აზრით უპირატესობას „ნეროაძური” ფლობდა, მეტოქემ კი წარმატებას მეკარის წყალობით მიაღწია. პირველი შეხვედრა „სან სიროზე” ნეაპოლელებმა 1:0 მოიგეს. საპასუხო მატჩი „ინტერისთვის” კარგად დაიწყო. მესამე წუთი მიმდინარეობდა, როდესაც კრისტიან ერიკსენმა გოლი პირდაპირ კუთხურიდან შეაგდო (იხილეთ ვიდეო) და ჯამური ანგარიში...
როგორც იქნა, იტალიაში ბურთი გაგორდა — კორონაპაუზის შემდგომი პირველი მატჩი გახლდათ „იუვენტუსისა” და „მილნის” დაპირისპირება, რომელიც 0:0 დასრულდა. ეს იყო თასის საპასუხო ნახევარფინალური შეხვედრა. კორონამდე გამართული პირველი თამაში, „სან სიროზე” 1:1 დასრულდა და ორი შეხვედრის ჯამში, „ბებერმა ქალბატონმა” გაიმარჯვა. „იუვე” ფინალშია”. დღეს მეორე წყვილი თამაშობს, „ნაპოლი” „ინტერს” მასპინძლობს. მათი პირველი მატჩი „ნაპოლიმ” მოიგო 1:0. მართალია,...
იტალიის ფეხბურთის ფედერაციამ სატრანსფერო ფანჯრის კალენდარი გამოაქვეყნა – გუნდებს ახალი ფეხბურთელების დამატება 1 სექტემბერიდან 5 ოქტომბრამდე შეეძლებათ. ყველაზე მეტად ტურინის „იუვენტუსისა“ და „რომას“ გააქტიურებას ვარაუდობენ. იტალიურმა მედიამ მთელი სია ჩამოწერა, სადაც გუნდები ერთმანეთის ფეხბურთელებით არიან დაინტერესებულნი. რომაელებს ტურინიდან როლანდო მანდრაგორა, კრისტიან რომერო, ფედერიკო ბერნარდესკი და დანიელე რუგანი სურთ, ხოლო „იუვენტუსს“ დედაქალაქური კლუბიდან ჯასტინ კლიუვერტი, ჩენგიზ...
ტურინის „იუვენტუსი“ არაფრისდიდებით არ აპირებს „ბარსელონას“ ნახევარმცველის, არტურის ტრანსფერზე უარის თქმას. იტალიელები ფეხბურთელს ხელფასის გასამმაგებას ჰპირდებიან. დაუზუსტებელი ინფორმაციით, არტურს ბარსელონაში 5 მილიონ ევროს უხდიან. ასეთია მარტივი საფეხბურთო მათემატიკა… ამასობაში კი მადრიდის „რეალის“ ერთ-ერთმა სიმბოლომ, სერხიო რამოსმა კლუბთან ხელშეკრულება გაახანგრძლივების სურვილი გამოთქვა, უფრო რომ დავაზუსტოთ, სურვილი ორმხრივია. 34 წლის მცველის მიმდინარე კონტრაქტს ვადა 2021 წლის ზაფხულში...
დღეს 6 ივნისია ანუ ზუსტად 5 წელი შესრულდა მას მერე, რაც „ბარსელონამ” ჩემპიონთა ლიგაში ბოლოს გაიმარჯვა. ეს ლუის ენრიკეს ხელმძღვანელობით მოხდა. ფინალი ბერლინის „ოლიმპიაშტადიონზე” გაიმართა. „ბარსამ”, რომლის თავდასხმაში ლეო მესი, ნეიმარი და ლუის სუარესი თამაშობდნენ, „იუვენტუსს” მოუგო 3:1. ამ გამარჯვების ხუთიწლისთავთან დაკავშირებით ლუის ენრიკეს Barcelona TV-მ კომენტარი სთხოვა და მანაც საინტერესო დეტალი გაიხსენა. ლუის ენრიკე:...
Forbes-ის ინფორმაციით, პორტუგალიის ნაკრებისა და ტურინის „იუვენტუსის“ თავდამსხმელი კრიშტიანუ რონალდუ პირველი მიალიარდერი ფეხბურთელია. 35 წლის ფეხბურთელის კაპიტალმა ახლახან გადააჭარბა მილიარდ ამერიკულ დოლარს. რონალდუ გახდა მესამე სპორტსმენი, რომლის ფინანსურმა შემოსავლებმა ამ ზღვარს უწია. მანამდე მილიარდიან ნიშნულს ზემოთ გოლფის ვარსკვლავის ტაიგერ ვუდსისა და მოკრივე ფლოიდ მეივეზერის ქონება იყო. ამ თანხიდან 650 მილიონი დოლარი რონალდუმ ხელფასის სახით მიიღო,...
„ბარსელონა“ მომავალი სატრანსფერო ფანჯრის განმავლობაში შემადგენლობის სერიოზულ გადახალისებას გეგმავს. ამთავითვე ცნობილია, რომ გუნდში გარანტირებულად მხოლოდ ექვსი ფეხბურთელი რჩება. ყველა დანარჩენი უკვე ინფორმირებულია, რომ ზაფხულში, შესაძლოა, ბარსელონას დატოვება მოუწიოთ. „ხელშეუხებელთა“ შორის ლეო მესის გარდა ჟერარ პიკე, ანტუან გრიზმანი, მარკ-ანდრე ტერ შტეგენი, ანსუ ფატი და ფრენკი დე იონგი არიან. „ბარსელონა“ მიმავალი სეზონიდან ბიუჯეტის ხარჯების თითქმის 300 მილიონი...
„იუვენტუსის” ვეტერანმა მცველმა ჯორჯო კიელინიმ დაწერა ავტობიოგრაფია „მე, ჯორჯო”, რომლის ფრაგმენტებიც სხვადასხვა საიტებზე იბეჭდება და ხალხი მას მთელს მსოფლიოში დიდი სიამოვნებით კითხულობს. ამჯერად მოგახსენებთ იმ ფრაგმენტზე, რომელიც ბოლოს დაიბეჭდა და არტურო ვიდალს ეხება. ჩილელი და კიელინი „ბებერ ქალბატონში” ერთად 2011-15 წლებში თამაშობდნენ. შემდეგ, ვიდალი „ბაიერნში” გადავიდა, სადაც 2018 წლამდე დაჰყო, 18-ში კი „ბარსელონას” მიაშურა. „ხანდახან,...