მოჰამედ სალაჰს „ლივერპული” ხელფასს გაუორმაგებს. თავდამსხმელს, რომელსაც მიმდინარე სეზონში 43 გოლი აქვს გატანილი, მერსისაიდული კლუბის შეფებმა კვირაში 185 ათასი გირვანქა შესთავაზეს. ეს 210 ათასი ევროა. ასე ცდილობენ ლივერპულელები 25 წლის ეგვიპტელის შენარჩუნებას, თორემ ბოლოხანს „რეალის” ინტერესზე დაიწყეს ლაპარაკი. „წითლებს” კი ესპანელებისგან მხოლოდ ცუდი ახსოვთ: „ბარსელონამ” მისგან ჯერ ლუის სუარესი გადაიბირა, მერე კი ფილიპე კოუტინიუ. იბერიელთა...
დიეგო სიმეონე ნახევარფინალის საპასუხო შეხვედრის დროს თავის ფეხბურთელებს ვერ დაუკავშირდება — ასეთია უეფას ვერდიქტი. ლაპარაკია ევროლიგის საპასუხო ნახევარფინალურ თამაშზე, რომელიც მომდევნო კვირაში მადრიდში გაიმართება. მიზეზი გეხსომებათ, პირველი მატჩის მე-12 წუთზე ფიცხმა არგენტინელმა თავი ვერ მოთოკა და ფრანგმა მსაჯმა კლემენტ ტურპენმა ის მოედნის კიდიდან გააძევა. პრემიერლიგის წესებისგან განსხვავებით, უეფას კანონთა თანახმად დისკვალიფიცირებულ მწვრთნელს სტადიონის ტერიტორიაზე მოთამაშეებთან...
არსენ ვენგერი ჟოზე მოურინიუს სთხოვს ბოლო შეხვედრისას მაინც არ „ურქინოს”. თუმცა, იქნება კი ეს ამ ორი დიდი მწვრთნელის ბოლო დაპირისპირება? „მანჩესტერ იუნაიტედი” „არსენალს” კვირას, საქართველოს დროით 19 საათსა და 30 წუთზე მასპინძლობს. ვენგერმა „განსაკუთრებულს” მას-მედიით მიმართა: „ნუ მკრავ ხელს ჩვენს ბოლო დაპირისპირებაში. მშვიდობიანად მინდა წავიდე” შემდეგ ფრანგმა დასძინა:„მოურინიუ დიდი მწვრთნელია. მინდა მას და ყველა სხვას კეთილად...
ოფიციალურად დადასტურდა: სეზონის ბოლოს უნაი ემერი „პარი სენ ჟერმენიდან” მიდის! ეს მოულოდნელი ნამდვილად არ ყოფილა, მაგრამ ახლა ფაქტია. პარიზელთა მიმავალმა მწვრთნელმა პრეს-კონფერენციაზე განაცხადა: „მე ვუთხარი ფეხბურთელებს, რომ პრეზიდენტ ნასერ ალ-ხელაიფისა და სპორტულ დირექტორ ანტერო ენრიკეს ვესაუბრე და დავეთანხმე, რომ ჩემთვის პარიზში მუშაობის გაგრძელება აღარ ღირს”. ემერის კონტრაქტს ვადა ივნისში გაუდის. აშკარაა, რომ 46 წლის ბასკმა...
თელ-ავივში ძიუდოს ევროპის ჩემპიონატი ხვალ დასრულდება. ტატამზე ყველაზე მაღალი სამი წონითი კატეგორიის ფალავნები გავლენ. მათ შორის ჩვენი გუნდის კაპიტანი და 100 კილოგრამამდე კატეგორიის რეიტინგლიდერი ვარლამ ლიპარტელიანიც იქნება. ჯამში ტატამზე ხუთ ქართველს ველით და იმედია… ხვალიდან რატომ დავიწყეთ? ალბათ იმიტომ, რომ გუშინდელის არ იყოს, დღესაც უსახელო და უშედეგო აღმოჩნდა ჩვენებურთა გამოსვლა. 66 კილოგრამამდე წონით კატეგორიაში ლაშა...
ანდრეს ინიესტა ზაფხულში „ბარსელონადან” მიდის! ეს უკვე ნაღდია, დიდმა ვარსკვლავმა თავად დაადასტურა. შემდეგი ნაბიჯი მისი ჩინეთის სუპერლიგაში გადასვლა იქნება. ესპანეთში გავრცელებული ცნობების თანახმად, 33 წლის მსოფლიოს ჩემპიონის გული ჩინელებმა, უპირველეს ყოვლისა, მის ვენახებში დაწურული 2 მილიონი ბოთლი ღვინის შესყიდვით მოინადირეს. ინიესტამ განაცხადა: „ეს ჩემი ბოლო სეზონია „ბარსელონაში”. დიდხანს ვფიქრობდი სანამ ამ გადაწყვეტილებას მივიღებდი. ჩემთვის „ბარსა” მსოფლიოს...
სამწუხარო ფაქტია, მაგრამ თელ-ავივში დაწყებულმა ძიუდოს ევროპის ჩემპიონატმა საქართველოს ნაკრებისთვის „მშრალად“ ჩაიარა. 60 კილოგრამამდე წონით კატეგორიაში ლუხუმ ჩხვიმიანს მცირე უპირატესობა ჰქონდა – პირველ წრეში ისვენებდა. ამის მიუხედავად, აზერბაიჯანელი შირინლის დამმარცხებელმა მძლეველმა რუსმა მუდრანოვმა ლუხუმს შანსი არ მისცა და ტურნირს მიღმა დატოვა. გაცილებით კარგად დაიწყო იმავე წონაში გამოსვლა ამირან პაპინაშვილმა, რომელმაც ბულგარელი ალიპიევის და უნგრელი საბოს...
ქვას უფრო გატეხავ, ვიდრე დღევანდელი ფორმაციის მადრიდის „რეალს“. წარმოუდგენელია! ბოლო სამი წელიწადია, სწორედ ამ მოვლენასთან გვაქვს საქმე, აგებს „რეალი“, ვერ თამაშობს, მომენტს ვერ ქმნის და არსაიდან გოლი გააქვს, მერე კი მეტოქეს გუდავს, ფსიქოლოგიურად სპობს. ასეთ მახრჩობელა გუნდად ჩამოყალიბდა ზინედინ ზიდანის გაწვრთნილი გუნდი. შევასწოროთ: ასეთად ჩამოყალიბდა ჩემპიონთა ლიგაში, თორემ ლა ლიგაში, იცოცხლეთ, ბევრჯერ წააქციეს. საწყალი „ბაიერნი“....
ყოველ დიდ მატჩს სდევს ერთი ემოციური სანახაობა, რომელიც გულშემატკივარს მსოფლიოს ყველა კუთხეში უყვარს — სტადიონიდან მიმავალი დამაშვრალი ფეხბურთელებისთვის ხელი დაქნევა. დამშვიდობება. ოვაცია, ტრიბუნებს გარეთ. ეს პროცესი ლივერპულელი ფანებისთვისაც მთელი სიამოვნებაა და ცხადია ფოტორეპორტიორებიც ჩასაფრებულები არიან. „ენფილდზე” „რომასთან” 5:2 გამარჯვების შემდეგ ფანებს ფართე ღიმილით დაემშვიდობა მატჩის გმირი მოჰამედ სალაჰი. ეგვიპტელმა ორი გოლი გაიტანა და ორიც საგოლე...
ორი კაცი დაიჭირეს. ისინი იურისტების ენით რომ ვთქვათ მკვლელობის მცდელობაში არიან ეჭვმიტანილები. დაზარალებულია 53 წლის ლივერპულელი მოქალაქე, რომელიც „დეილი მეილის” ცნობით ქუჩაში ეგდო და სიკვდილს ებრძოდა. ინგლისური გაზეთი წერს, რომ ჩხუბი თამაშის დაწყებამდე ერთი საათით ადრე ატყდა, როდესაც რომაელმა ფანებმა, რომლებსაც კლუბის მაისურები არ ეცვათ, „ენფილდთან” ახლოს „ალბერტ პაბს” შეუტიეს. თვითმხილველები ამბობენ, რომ იტალიელი ხულიგნები...