ჟორჟის ყვითელი გუნდი დიდ სიმაღლეებს უტევს

Georges Mikautadze of Villarreal CF kicks the ball during the LaLiga EA Sports match between Villarreal CF and RCD Mallorca at Estadio de la Ceramica... „მან საჯარიმოს მისადგომებიდან დაარტყა და კინაღამ გაიტანა. აქტიური იყო’’, ― წერს ესპანური AS „ვილიარეალის’’ ქართველი თავდამსხმელის ჟორჟ მიქაუტაძის შესახებ, რომელიც სან სებასტიანში „რეალ სოსიედადთან’’ დრამატული შეხვედრის 68-ე წუთზე ჩაერთო საქმეში.

მატჩის ერთ-ერთი საუკეთესო მოთამაშე 32 წლის თავდამსხმელი აიოზე პერესი იყო, რომელმაც 31-ე წუთზე მასპინძლების კარში პირველი გოლი შეაგდო, 57-ე წუთზე კი 22 წლის ალბერტო მოლეიროს საგოლე პასი მიაწოდა. ასე გახდა ანგარიში „ვილიარეალის’’ სასარგებლოდ, მაგრამ 60-ე წუთზე კარლოს სოლერმა 87-ზე კი ანდერ ბარენეჩეამ ორს ორით უპასუხეს და ფრთაშესხმული „რეალ სოსიედადი’’ მოსაგებადაც გაიწია. სწორედ ამ დროს, 90+5 წუთზე კიდევ ერთხელ გამოიჩინა თავი მოლეირომ, რომელმაც სტუმართა გამარჯვების გოლი შეაგდო. ამრიგად, 14 ტურის შემდეგ ესპანეთის ლა ლიგას 34 ქულით ლიდერობს „ბარსელონა’’, მას 33 ქულით მოსდევს „რეალი’’, 32 ქულით კი მესამე ადგილზე მიქაუტაძის ყვითელი გუნდია. მას ერთი ქულით ჩამორჩება „ატლეტიკო’’, შემდეგ კი ცხრილში უკვე 7-ქულიანი ჩამორჩენაა.

ქართველ თავდამსხმელს flashscore-მა 6.6 დაუწერა, sofascore-მა 6.7, ხოლო whoscored-მა 6.0.