მამუს გარჯა დაუფასდა

სანდრო მამუკელაშვილის „ტორონტო რეპტორსმა“ სტუმრად „კლივლენდ კავალიერსს“ 126:113 მოუგო და ამ საქმეში ჩვენებურის სოლიდური წვლილიც ურევია.

მამუკელაშვილმა პარკეტზე 17.01 წუთი გაატარა, რა დროშიც 13 ქულა, 5 მოხსნა და 1 პასი დააგროვა. სანდრომ ორიდან ორი ორქულიანი, სამიდან ორი სამქულიანი და სამიდან სამი საჯარიმო ჩააგდო.

პასივში მხოლოდ დაკარგვა ჰქონდა და მისი მოედანზე ყოფნის პერიოდში „ტორონტომ“ რვა ქულით მეტი აიღო, ვიდრე მეტოქემ. ქართველი კალათბურთელის გარჯა „ტორონტოს“ ძალიან წაადგა და შვიდი მოგებითა და ხუთი მარცხით აღმოსავლეთ კონფერენციაში მეექვსე ადგილზე გადაინაცვლა.

კანადელები მომდევნო მატჩს „ინდიანა პეისერსთან“ გამართავენ.

Raptors Cavaliers Basketball | National | idahostatejournal.com

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...