მიქაუტაძის ვილიარეალი ხვალ რეალს ხვდება

შაბათს ჟორჟ მიქაუტაძის „ვილიარეალი’’ ლა ლიგის მერვე ტურის შეხვედრაში „სანტიაგო ბერნაბეუზე’’ „რეალს’’ სტუმრობს. სტატისტიკა გვეუბნება, რომ „ვილიარეალის’’ მწვრთნელმა მარსელინო გარსია ტორალმა „ბერნაბეუზე’’ ბოლო ხუთი თამაში წააგო.

ასტურიელი მწვრთნელი მადრიდში „რეალთან’’ წაგებას ბოლოს 2017 წელს გადარჩა, როდესაც „ვალენსიას’’ ედგა სათავეში. ის შეხვედრა 2:2 დამთავრდა. მას მერე მარცხს მარცხი მოსდევს. მარსელინომ „ბერნაბეუზე’’ ჩაიყვანა „ვალენსია’’, „ბილბაო’’ და „ვილიარეალი’’ და სამივე გუნდის ხუთ შეხვედრაში დამარცხდა. სავალალოა ბურთების სხვაობაც: 2:12.

ამ ხუთიდან ბოლო ორ თამაშში მარსელინო „ვილიარეალს’’ ედგა სათავეში. პირველი შეხვედრა დამთავრდა 1:4, ხოლო მეორე 0:2.

„ბილბაოსთან’’ ერთად მიქაუტაძის ახლანდელმა თავკაცმა 1:3 და 0:1 წააგო, ხოლო „ვალენსიასთან’’ ერთად — 0:2.

მარსელინოს „სანტიაგო ბერნაბეუზე’’ „რეალი’’ კარიერაში ერთადერთხელ ჰყავს დამარცხებული. ეს 2006 წელს მოხდა, როდესაც „ვილიარეალის’’ დღევანდელი თავკაცი „უელვას’’ ედგა სათავეში. „უელვა’’ დღეს ესპანური ფეხბურთის მეოთხე ლიგაშია.