28-ე წაუგებელი, 10 მოუგებელი

ეროვნული ლიგის მე-16 ტურში ლიდერმა „იბერიამ“ ისევ გაიმარჯვა. ამჯერად თბილისის „დინამოსთან.“ ერთადერთი ბურთი ამირან ძაგანიამ გაიტანა 70-ე წუთზე. ეს ძაგანიას პირველი გოლი გახლდათ ეროვნულ ლიგაში.

ამისდაკვალად, „იბერია“ ერთადერთი დაუმარცხებელი გუნდია მიმდნარე სეზონში, შაშანდლიდან მოყოლებული კი იბერიელებს 28 მატჩია არ წაუგიათ.

„იბერია 8 ქულით უსწრებს „დილას.“ რომელმაც თრილერი გამართა ერთ-ერთ აუტსაიდერ „საგურალთან – 4:3. მე-18 წუთისთვის სტუმარი წყალტუბოელები 2:0 იგებდნენ გიორგი ფანცულაიასა და ლუკა ხორხელის პენალტებით, მაგრამ გორელები არ შედრკნენ და მაინც გაიმარჯვეს.

შეიძლება იყოს 4 ადამიანი, (ამერიკული) ფეხბურთის მოთამაშე ადამიანები, ფეხბურთის თამაშში ჩართულები and ტექსტი გამოსახულება — თელავს ზედიზედ 10 თამაში არ მოუგია. კახელები ამჯერად შინ, ბათუმთან 1:2 დამარცხდნენ

ეს „დილას“ მიჯრით მესამე გამარჯვებაა, „სამგურალმა“ კი ზედიზედ მეხუთედ წააგო. წყალტუბოელაგან დუბლი შეასრულა ლუკა ხორხელმა.

ზედიზედ მეხუთედ მოიგო „ტორპედომ“ და „ბათუმთან“ მესამე-მეოთხე ადგილებს იყოფს, რომელმაც „თელავთან“ ექსმატჩიანი მოუგებელი სერია შეწყვიტა. ზღვისპირელები ბურთების უკეთესო ბალანსის წყალობით დგანან მესამე საფეხურზე. დუბლი მიითვალა ქუთაისელთა ნორვეგიელმა ფორვარდმა ბიორნ იონსენმა.

ზედიზედ 10 თამაშია აღარ მოუგია „თელავს.“ შედეგად 12 ქულით ბოლო, მეათე ადგილზეა, თუმცა ცხრილის ქვედა ნაწილში დიდი სიმჭიდროვეა, ბოლოსწინაზე მყოფ „სამგურალსაც“ 12 ქულა აქვს, მერვე საფეხურზე მდგარ „კოლხეთს“ – 13, ხოლო მეშვიდეზე მყოფ „გარეჯს“ – 14.

დილა 4:3 სამგურალი

0:1 ფანცულაია (6 პენ), 0:2 ლუკა ხორხელი (18 პენ), 1:2 ტიბუე (42), 2:2 ფარულავა (45+3), 3:2 უატარა (78), 4:2 კონტე (89), 4:3 ლუკა ხორხელი (90+2)

იბერია 1:0 დინამო

1:0 ძაგანია (70)

ტორპედო 2:1 კოლხეთი

1:0 იონსენი (28 პენ), 1:1 მოისწრაფიშვილი (30), 2:1 იონსენი (90+11 პენ)

გაგრა 1:1 გარეჯი

0:1 პაპავა (45 პენ), 1:1 პაპუაშვილი (60)

თელავი 1:2 ბათუმი

1:0 ბაშელეიშვილი (6), 1:1 პაულაუსკასი (44), 1:2 ფოფანა (77)

გუნდი	თამაში	მოგება	ფრე	წაგება	ბურთები	ქულა
იბერია 1999	30	18	8	4	48:23	62
დილა	30	20	2	8	50:30	62
ტორპედო	30	14	8	8	46:34	50
დინამო	30	13	10	7	41:25	49
სამგურალი	30	11	5	14	46:41	38
ბათუმი	30	9	10	11	33:43	37
გაგრა	30	10	6	14	32:44	36
საგარეჯო	30	6	12	12	33:39	30
თელავი	30	7	8	15	27:48	29
კოლხეთი	30	4	7	19	26:55	19

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.