სპალეტი იტალიელებს სიამოვნებისკენ მოუწოდებს

Buongiorno Alessandro defender of Italy in action with Lukaku Romelu, forward of Belgium during the UEFA Nations League tournament League A Phase... იტალიის ნაკრებმა ერთა ლიგის მეოთხედფინალში სტუმრად მოუგო ბელგიას 1:0 და A დონის ფლეი ოფში დაიბევა ადგილი. „სკუადრა აძურას’’ შედეგი მრავლისმეტყველია: ის ბელგიელთა წინააღმდეგ ზედიზედ 52 შეხვედრაში არ დამარცხებულა. გარდა ამისა, იტალიელებს ერთა ლიგაში 20 შეხვედრა აქვს ჩატარებული და მარცხი მხოლოდ ორჯერ უწვნევიათ.

სტუმრებმა გამარჯვებას ამ დღესაც თავიდანვე ჩაუყარეს საფუძველი. ანგარიში „ნიუკასლ იუნაიტედის’’ ნახევარმცველმა სანდრო ტონალიმ მე-11 წუთზე გახსნა. ეს შეხვედრის ერთადერთი გოლი აღმოჩნდა. საინტერესო გახლდათ „ნაპოლის’’ ფეხბურთელების იტალიელი ალესანდრო ბონჯორნოსა და ბელგიელი რომელუ ლუკაკუს დაპირისპირება.

„დაცვაში კარგად ვითამაშეთ, რაც გუნდური სულისკვეთების დამსახურებაა. ჩვენ მზად ვართ სიძნელეებისა და მათი ერთად გადალახვისთვის. გამარჯვებაში დიდი როლი იმ ფაქტორმა ითამაშა, რომ გოლი არ გავუშვით, ― თქვა ბონჯორნომ და დასძინა, ― რომელუს განეიტრალება ძნელი საქმეა, მაგრამ არც სხვა ბელგიელების მეურვეობაა ადვილი. ჯამში კარგი მატჩი გამოვიდა. ჩვენ ერთმანეთს ვეხმარებოდით და კარი „მშრალად’’ შევინახეთ.

„მეფე ბოდუინზე’’ იტალიის ნაკრების დაცვაში ითამაშა კიდევ ერთმა ნეაპოლელმა, კაპიტანმა ჯოვანი დი ლორენცომ, რომელმაც ტონალის საგოლე პასი მიაწოდა.

„ჩემი თამაშით კმაყოფილი ვარ, მაგრამ მთავარი შედეგია. ახალი ციკლი კარგად დავიწყეთ. მწვრთნელის შერჩეული ახალგაზრდა ფეხბურთელები გუნდს კარგად შეერწყნენ. ლუჩანო სპალეტი თამაშით სიამოვნებისკენ მოგვიწოდებს და გვეუნება, რომ ჩვენს როლზე არ უნდა ვიყოთ ფიქსირებულები. ის, რომ პოზიციებს ვცვლით, მეტოქეებს უპირატესობას სულაც არ აძლევს’’.