მბაპეს უქნარას დაარქმევდნენ

ინგლისის ნაკრების ყოფილმა ვარსკვლავმა კრის უოდლმა თქვა, რომ ბრიტანეთის საფეხბურთო საზოგადოება ყოველთვის ეძებს მიზეზებს ფეხბურთელების გასაკრიტიკებლად. მისი აზრით, კილიან მბაპეს ახლაც რომ ეთამაშა პრემიერლიგაში, ის კრიტიკის დიდ ულუფას მიიღებდა.

„ჩვენ (ინგლისელები) ყოველთვის ვეძებთ ცუდ მხარეებს, ნეგატიურ ასპექტებს მოთამაშეებში. იმის ნაცვლად, რომ შევხედოთ მათ ძლიერ მხარეებს. ვამბობთ: „ის კარგია დრიბლინგში და პასიებში, მაგრამ ეს ყველას აქვს, თავით თამაში კი მან არ იცის, სუსტია ართმევაში, ნელა დარბის.

მგონია, მბაპეს ინგლისში რომ ითამაშა, იტყვიან: „უქნარაა. ის შესანიშნავია, როცა ბურთს იღებს, მაგრამ საშინელებაა ბურთის გარეშე.” და ეს ინგლისია, ჩვენ ყოველთვის ასე ვიყავით. საფრანგეთში კი მოთამაშეებს იღებენ და პატივს სცემენ. შესაძლოა ოდესმე ინგლისშიც ასე იყოს. მაგრამ არ ვიცი, ვიცოცხლებ თუ არა მანამდე“, – ციტირებს უოდლის სიტყვებს GFFN.

Transfer news and rumours LIVE: Xavi could lure Messi back to Barca in 2023 | Goal.com South Africa

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...