იგივე და იგივენი

თელავი – დინამო 2:2. მასპინძლებს ბოლო წუთზე მოგებაც შეეძლოთ, მაგრამ…

„თელავი,“ რომელსაც სტუმრად მიჯრით სამჯერ გაემარჯვა, „დინამოს“ მასპინძლობდა და სულ ცოტა დააკლდა მორიგ სამ ქულამდე. 92-ე წუთი მიმდინარეობდა და ანგარიში 2:2 გახლდათ, როცა მსაჯმა, გიორგი ყრუაშვილმა სტუმართა კარში თერთმეტმეტრიანი დანიშნა, მაგრამ ჯეფერსონ ჯერალდოს დარტყმული დავით კერესელიძემ მოიგერია…

ახლა კახელებს 21 ქულა მოუგროვდათ და უკვე სამი პუნქტით დაშორდნენ ფლეი-აუტის ზონას. „დინამო“ კი ისევ მესამეა.

„დილამ“ დროებითი მწვრთნელის, ირაკლი მოდებაძის ხელმძღვანელობით, „შუქურა“ 5:1 გაანადგურა. დუბლი მიითვალა გორელთა შემტევმა, მიკოლა კოვტალიუკმა. ეს უკრაინელის მეორე ორგოლაა მიმდინარე სეზონში.

გორელებს კიდევ ერთი სასიხარულო ამბავი ჰქონდათ – ტრავმით გამოწვეული 2 თვიანი იძულებითი პაუზის შემდეგ, კაპიტანი ნიკა გაგნიძე დაუბრუნდათ.

შეგახსენებთ, ნიკამ დაზიანება საქართველოში გამართულ 21 წლამდელთა ევროპის ჩემპიონატზე მიიღო და მას შემდეგ რეაბილიტაციის პროცესს გადიოდა. „დილა“ მეოთხე ადგილზეა, „შუქურა“ კი – ბოლოზე.

შეიძლება იყოს 5 ადამიანი, (ამერიკული) ფეხბურთის მოთამაშე ადამიანები, ფეხბურთის მოთამაშე ადამიანები and ტექსტი გამოსახულება — საბურთალო სამტრედიას ბევრს უტევდა, მაგრამ მეტოქეს უგოლოდ გაეყარა

ასევე წარმატებული გამოდგა უკრაინელი სპეციალისტის, ანდრი დემჩენკოს ბათუმური დებიუტი, თუმცა, რეაბილიტირებულ, კოხტა „დავით პეტრიაშვილზე“ ზღვისპირელებს იოლი მატჩი არ ჰქონიათ. „გაგრა“ კერკეტი გამოდგა და სტუმრებმა გოლები მხოლოდ დამატებულ წუთებზე გაიტანეს. 91-ზე ცოტნე ფაცაიას მარჯვნიდან ჩაწოდებული ერეკლე სულთანიშვილმა ჩაჭრა საკუთარ კარში, ოთხ წუთშე კი პაატა ღუდუშაურმა გააორა.

„ბათუმი“ კვლავ ლიდერია და 7 ქულით უსწრებს უშუალო მდევარ „საბურთალოს,“ თანაც თამაშით ნაკლები აქვს. „გაგრა“ კი ფლეი-აუტის ზონაშია.

დემჩენკოს გორში 20 სექტემბერს უწევს ჩასვლა თავის ახალ გუნდთან ერთად, 21-ე ტურის გადადებული მატჩის სათამაშოდ. საინტერესოა, როგორ შეხვდებიან მას „დილას“ ქომაგები, რომლებიც მისი წასვლით სოციალურ ქსელებში უკმაყოფილებას არ მალავენ.

კიდევ ორი მატჩი – „სამტრედია“ – „საბურთალო“ და „სამგურალი“ – ტორპედო,“ უგოლოდ დასრულდა.

თელავი 2:2 დინამო

1:0 დეზირე (19), 1:1 ხარაიშვილი (29 პენ), 2:1 რუხაძე (58), 2:2 სანგარე (81)

92-ე წუთზე ჯერალდომ ვერ გაიტანა პენალტი

დილა 5:1 შუქურა

1:0 გაფრინდაშვილი (4), 2:0 ვიქტორი (9), 3:0 ლაშა კვარაცხელია (35 საკ. კარში), 4:0 კოვტალიუკი (63), 4:1 გოგოლაშვილი (80), 5:1 კოვტალიუკი (86)

სამტრედია 0:0 საბურთალო

მე-7 წუთზე ახვლედიანმა ვერ გაიტანა პენალტი – სამტრედია

სამგურალი 0:0 ტორპედო

გაგრა 0:2 ბათუმი

0:1 სულთანიშვილი (90+1 საკ. კარში), 0:2 ღუდუშაური (90+5)

[table id=42 /]

შუქურას დაკლებული აქვს 6 ქულა

მეგოლეები: ჯოვინო ფლამარიონი (ბათუმი) – 14, ულად-ომარ იმრანი (დინამო) – 13, შეიკნე სილა (საბურთალო) – 11, ტიერი გეილი (დილა), ზორან მარუშიჩი (დინამო) – 10

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.