სომხეთის ჩემპიონი კოტ-დ’ივუარიდან…

„თელავში“ კიდევ ერთი ახალწვეულია – გუნდში კოჯო ალფონსი ჩაირიცხა.

„საფეხბურთო კლუბ „თელავის“ ღირსებას 29 წლის კოტდივუარელი ნახევარმცველი კოჯო ალფონსი დაიცავს. ის გუნდში 16-ნომრიანი მაისურით ითამაშებს“, – წერია „თელავის“ პრესსამსახურის განცახდებაში.

კოჯო ალფონსიმ კარიერა სამშობლოში, კლუბ „სტად აბიჯანში“ დაიწყო, 2011 წლიდან პორტუგალიაში გადავიდა და ითამაშა „შავეშში“, „მირანდელაში“, „ოლივეირენსეში“, „ჟილ ვისენტეში“, „აკადემიკა ვიზეუსა“ და „ფეირენსეში“.

2018-2021 წლებში „არარატ-არმენიაში“ თამაშობდა, სადაც ორჯერ სომხეთის ჩემპიონი გახდა, თითოჯერ კი სომხეთის თასი და სუპერთასი მოიგო. ამის შემდეგ კოჯომ ერთი სეზონი ყაზახეთის „თარაზში“ გაატარა, ბოლოს კი „ალაშკერტში“ გამოდიოდა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 73