დაიწყო და დაამთავრა

Nikoloz Basilashvili's Family Hits Back at His Ex-Wife For Blackmailing Them - EssentiallySports ნიკოლოზ ბასილაშვილი ავსტრალიის ღია პირველობას პირველივე წრეში გამოეთიშა. ჩვენებური ამერიკელ ტეილორ ფრიტცთან 4 სეტში – 4:6; 2:6; 6:4; 5:7 დამარცხდა.

არადა, ბასილაშვილმა კარგად დაიწყო – მესამე გეიმშივე ბრეიკი გაახერხა, შემდეგ 4:2 დაწინაურდა, მაგრამ ზედიზედ დათმო გეიმები და სეტიც ზედ მიაყოლა – 4:6.

მეორე სეტში 4:2 უკვე ფრიცი დაწინაურდა და ანგარიში 2:0 გახადა.

მესამე სეტი ბასილაშვილმა ისევ ბრეიკით დაიწყო. ნიკამ ამჯერად შეცდომა აღარ დაუშვა, 6:4 მოიგო და სხვაობა შეამცირა.

მეოთხე სეტში თანაბარი თამაში 10 გეიმი გაგრძელდა. დასკვნითი ნაწილი კი ფრიცმა უკეთ ჩაატარა და სეტთან ერთად მატჩიც მოიგო.

სტატისტიკა ფრიცის დიდ უპირატესობასზე მეტყველებს: 32 ეისი 9-ის წინააღმდეგ; ბასილაშვილმა 11 ორმაგი შეცდომა დაუშვა, ფრიტცმა – 2. ქართველს 55 უნებლიე შეცდომა ჰქონდა, ამერიკელს – 27.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...