ესპანეთში ლუისი ლუისმა შეცვალა

Portrait of Luis de la Fuente, head coach of Spain U21 national team during the game Romania U21 v. Spain U21, disputed on Cluj Arena, Cluj-Napoca,... ესპანეთის ეროვნული ნაკრების მთავარმა მწვრთნელმა ლუის ენრიკემ თანამდებობა დატოვა. მასთან ერთად დაითხოვეს სამწვრთნელო შტაბის ყველა წევრი — ეს ინფორმაცია ქვეყნის ფეხბურთის ფედერაციის ოფიციალურ ვებგვერდზე გავრცელდა.

„ესპანეთის ფეხბურთის ფედერაციის ხელმძღვანელობამ მიიჩნია, რომ ეროვნული ნაკრებისთვის ახალი პროექტი უნდა დაიწყოს, რომელიც გუნდის წინსვლას უზრუნველყოფს. ლუის ენრიკესა და მის შტაბს წარმატებას ვუსურვებთ პროფესიულ საქმიანობაში. ამ მწვრთნელმა ჩვენი ფეხბურთის ფედერაციის, სიყვარული და აღტაცება დაიმსახურა”, — ვკითხულობთ ესპანეთის ფეხბურთის ფედერაციის მიერ გავრცელებულ განცხადებაში.

ლუის ენრიკე თავისი ქვეყნის ეროვნულ გუნდს 2019 წლიდან წვრთნიდა.

უკვე ცნობილია, ვინ შეცვლის ლუის ენრიკეს — ეს გახლავთ 61 წლის ლუის დე ლა ფუენტე – რომელიც 2013 წლიდან ესპანეთის ასაკობრივ და ოლიმპიურ ნაკრებებში მუშაობდა. მისი ხელმძღვანელობით ესპანელი ოლიმპიელები ტოკიოში ვერცხლის მედლის მფლობელები გახდნენ.

დე ლა ფუენტეს დებიუტი შედგება 2023 წლის 25 მარტს, როცა ევროპის 2024 წლის ჩემპიონატის შესარჩევი A ჯგუფის პირველ შეხვედრაში ესპანელები ნორვეგიას უმასპინძლებენ. ამავე ჯგუფშია საქართველოს ნაკრებიც, რომელიც „ფურია როხას” 2023 წლის 8 სექტემბერს მიიღებს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...