აბა, რომელი გაფრინდება..?

დღეს მსოფლიო ჩემპიონატის ჯგუფური ეტაპი დამთავრდება და მერვედფინალებიც საბოლოო სახეს მიიღებს. სხვისა არ იყოს, არც G და H ჯგუფებშია გამსვლელთა ვინაობა ბოლომდე გარკვეული – ორი მერვედფინალისტი გუნდი ცნობილია, ორიც დღეს გაიხარებს…

G ჯგუფი

სერბეთი – შვეიცარია (23:00)

კამერუნი – ბრაზილია (23:00)

– ბრაზილია გასულია მერვედფინალში. თუ სამხრეთამერიკელები თავიანთ შეხვედრას არ წააგებენ ან შვეიცარია ვერ მოიგებს, მაშინ ბრაზილია ჯგუფში პირველი ადგილზე დარჩება.

– შვეიცარია გავა 1/8 ფინალში, თუ მოიგებს; ან ითამაშებს ფრედ, ხოლო კამერუნი ვერ მოუგებს ბრაზილიას.

– კამერუნს სჭირდება ბრაზილიის დამარცხება და იმის იმედად ყოფნა, რომ შვეიცარია ვერ მოიგებს თავის მატჩს.

– სერბეთი გავა ფლეი ოფში, თუ მოუგებს შვეიცარიას, ამასთან კამერუნი: ვერ მოუგებს ბრაზილიას; მოუგებს ბრაზილიას ნაკლები სხვაობით, ვიდრე სერბები შვეიცარიას.

H ჯგუფი

განა – ურუგვაი (19:00)

სამხრეთ კორეა – პორტუგალია (19:00)

– პორტუგალია უკვე 1/8 ფინალშია და პირველი ადგილისთვის საჭიროა, რომ არ წააგოს სამხრეთ კორეასთან.

– განა თუ არ წააგებს, პრაქტიკულად, გაინაღდებს ჯგუფიდან გასვლას. ეს არ მოხდება მხოლოდ იმ შემთხვევაში, თუ სამხრეთ კორეა ორი ბურთით მოუგებს პორტუგალიას, თავად განელები კი ფრედ ითამაშებენ.

– სამხრეთ კორეას ფლეი ოფში გასასვლელად აუცილებლად სჭირდება პორტუგალიის დამარცხება. ამასთან, იმედი უნდა ჰქონდეს, რომ: განა ვერ მოიგებს; ურუგვაი ვერ მოიგებს ორი ბურთით კორეასთან შედარებით; თუ პარალელურ მატჩში იქნება ფრე, სამხრეთ კორეამ უნდა მოიგოს ორი ბურთის სხვაობით.

– ურუგვაი ითამაშებს 1/8 ფინალში, თუ მოიგებს, კორეა კი ვერ შეძლებს პორტუგალიის დამარცხებას. თუ კორეელები მოიგებენ, ურუგვაის აუცილებლად დასჭირდება მოგება ორ ბურთზე დიდი სხვაობითა და სამხრეთ კორეაზე ორი გოლით მეტის გატანა (მაგალითად, თუ კორეა მოიგებს 1:0-ს, ურუგვაიმ უნდა მოიგოს 3:0, 2:0-ზე – 4:0, 2:1-ზე – 4:1 და ა.შ.).

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...