ბითაძემ ორმაგი დაისხა

ესეც პირველი ორმაგი. NBA-ს წლევანდელი სეზონის მესამე მატჩში ბითაძემ 14 ქულა და 15 მოხსნა მოინაგრა, ხოლო „ინდიანა პეისერსმა“ შინ „დეტროიტ პისტონსი“ 124:115 დაამარცხა. ბითაძემ პარკეტზე 25.23 წუთი გაატარა. ჩვენებურმა სამწამიანი ზონიდან 6-ჯერ შეუტია ფარს და ყველა ჩააგდო, ხოლო სამქულიანი სამჯერ ისროლა და ერთხელ იხეირა.

გოგა ოთხჯერ საჯარიმო ხაზზე დადგა და საიდანაც ერთი გამოიყენა. აღსანიშნავია ისიც, რომ გოგამ 8 მოხსნა მეტოქის ფარზე გაახერხა. გოგამ თავი 4 პასით და თითო ჩაჭრა-დაფარებით გამოიჩინა. ჩვენებურის პასივში მხოლოდ 1 დაკარგვა და სამი პერსონალური ჯარიმაა.

სამი მატჩის შემდეგ „პეისერსს“ 1 მოგება და 2 მარცხი აქვს, შემდეგ შეხვედრას კი, 25 ოქტომბერს, „ფილადელფიასთან“ გამართავს.

2.14 წუთი დაჰყო მოედანზე სანდრო მამუკელაშვილმა, „მილუოკი ბაქსმა“ კი, შინ 125:105 ჰიუსტონს მოუგო. მწვრთნელმა მამუკელაშვილი მოედანზე მაშინ შეუშვა, როდესაც უკვე ყველაფერი გადაწყვეტილი იყო. ჩვენებურმა ამ მოკლე დროში მხოლოდ ერთხელ ბურთის დაკარგვა მოასწრო. „მილუოკელებს“ ორიდან ორი მოგება აქვთ. მომდევნო მატჩი კი, 27 ოქტომბერს „ბრუკლინ ნეთსთან“ აქვს.