საქართველომ ევროპა წაგებით გახსნა

შეიძლება იყოს ერთი ან მეტი ადამიანი და წყლის სივრცე-(ი)ს გამოსახულება ხორვატიაში დაიწყო წყალბურთელთა ევროპის ჩემპიონატი და საქართველოს ნაკრებმა პირველი მატჩი ჩერნოგორიასთან 11:14 დათმო.

ჩერნოგორიელები მთელი მატჩის განმავლობაში იგებდნენ, დასაწყისიდანვე მეთოდურად ზრდიდნენ უპირატესობას და ტაიმი 9:5 მოიგეს. შესვენების შემდეგ დადგა კულმინაციური მომენტი, როდესაც დეიან სტანოიევიჩის გუნდი ათამაშდა და სხვაობა მინიმუმამდე (8:9) დაიყვანა.

მომდევნო შეტევაში გათანაბრების შანსი მიეცათ, მაგრამ არ გამოვიდა, რაც მეტოქემ არ გვაპატია და ბოლო მეოთხედის წინ სულაც 5 ბურთით ჩამოვრჩით – 8:13.

ბოლო მეოთხედი 3:1 მოვიგეთ, მაგრამ თამაშის გადასარჩენად ეს საკმარისი არ გამოდგა. საქართველოს ნაკრებში კარგი მატჩი ჰქონდა მარკო ელაჩას, ვინაც 5 ბურთი გაიტანა, ბორის ვაპენსკის ანგარიშზე 3 დაგროვდა, ხოლო თითო-თითო ნიკა შუშიაშვილმა, ივან სარიჩმა და ანდრია ბითაძემ მითვალეს. მომდევნო მატჩი ჩვენებს 31 აგვისტოს იტალიასთან აქვს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 17