ეს უკვე ნამეტანია – ბოლო პერიოდში საქართველოს პირველი ჩოგანი ნიკოლოზ ბასილაშვილი ყველასთან ყველაფერს აგებს. ასე მოხდა ამჯერადაც – დღეს დაწყებული აშშ ღია პირველობა ჩვენებურისთვის უკვე დამთავრდა.
წაგებაც არის და წაგებაც – ბასილაშვილი ATP-ს რეიტინგის 174-ე ჩოგანთან, ჩინელ იბინ ვუსთან საათნახევარში უშანსოდ დამარცხდა – 3:6; 4:6; 0:6.
თუ წინააღმდეგობა ჰქვია, ბასილაშვილმა მეტოქეს პირველ და მეორე სეტში გაუწია. თუმცა, ორივეგან თითო საკუთარი ჩაწოდება წააგო, ხოლო საპასუხოდ ვერაფერი გაახერხა. მესამე სეტში რაც მოხდა, ანგარიშიდანაც ჩანს…
