კანისარესი მსაჯებს მოსდგა

დღეს ლა ლიგაში მორიგი ტურის მატჩებია. გიორგი მამარდაშვილის „ვალენსია” სტუმრად თამაშობს „ვილიარეალთან”, შაბათს კი შინ წააგო „ოსასუნასთან” 1:2.

Hugo Guillamon of Valencia gestures during the Santander League match between Valencia CF and CA Osasuna at the Mestalla Stadium on April 16 in... ესპანეთში 32-ე ტური საკამათო ეპიზოდებით იყო სავსე. მსაჯებმა და VAR-მა ბევრ ეპიზოდში მიიღეს ისეთი გადაწყვეტილება, რომელმაც შეხვედრის ბედზე გავლენა იქონია. სადავო მომენტები იყო ტურის ცენტრალურ შეხვედრაშიც, სადაც „სევილიამ” „რეალთან” 2:3 წააგო. „ატლეტიკომ” „ესპანიოლს” თითოდან გამოწოვილი პენალტის წყალობით მოუგო (2:1) — ეს პენალტი დიეგო სიმეონეს გუნდს მსაჯმა 90+10 წუთზე უბოძა. სადავო ეპიზოდები იყო „ვალენსიასა” და „ოსასუნას” ზემოთ ნახსენებ შეხვედრაშიც.

„ღამურებისა” და ესპანეთის ნაკრების ლეგენდარულმა მეკარემ სანტიაგო კანისარესმა თავის „იუთუბ არხზე” ზოგადად მსაჯობაზე, კერძოდ კი „მესტალიაზე” მელერო ლოპესის მუშაობაზე გამოთქვა თავისი მოსაზრება:

„ვალენსიასა” და „ოსასუნას” შეხვედრაში მსაჯმა ბრაიან ხილის წაქცევისთვის აშკარა პენალტი არ დანიშნა. პამპლონელი ლუკას ტორო მეორე ყვითლით უნდა დაესაჯა და პირველი ტაიმის ბოლო წამებზე მოედნიდან უნდა გაეძევებინა. საერთოდ არ მესმის, რატომ არ დასაჯა ტორო VAR-მა და რატომ არ ერევა ის ასეთ შემთხვევებში, როდესაც მეორე ყვითელმა ბარათმა შეიძლება შეხვედრის ბედი გადაწყვიტოს.

კიდევ, იყო გონსალო გედეშის გოლი, რომელიც არ ჩაითვალა, რადგან მსაჯმა დიაქაბი მეკარეზე თავდასხმისთვის ტყუილად დააჯარიმა. ერთი სიტყვით, „მესტალიაზე” საშინელი მსაჯობა ვნახეთ. მან „ვალენსია” დააზარალა”, — თქვა კანისარესმა.