თავისუფლები: დიბალა და დი მარია

ამ სეზონის ბოლოს პაულო დიბალა „იუვენტუსს“ თავისუფალი აგენტის სტატუსით დატოვებს. ანუ, ნებისმიერ კლუბს მისი დამატება მუქთად შეეძლება. მის შემცვლელად კი ტურინელებს პაულოს თანამემამულე, „პარი სენ-ჟერმენის“ არგენტინელი შუახაზელი ანხელ დი მარია შეუგულებიათ.

34 წლის დი მარიას პარიზელებთან კონტრაქტსაც ყავლი წლეულს 30 ივნისს გასდის და ისიც თავსუფალი აგენტი გახდება. დი მარია პსჟ-ში 2015 წლიდან თამაშობს. მიმდინარე სეზონში კი ანხელმა 20 შეხვედრა გამართა, სამი ბურთი გაიტანა და ოთხი საგოლე გადაცემა შეასრულა.

ბოლო დროს ისიც უკმაყოფილო გახლდათ კლუბში სათამაშო დროის სიმცირით. დიბალას მომავალს კი „ატლეტიკოს“ უკავშირებენ. მადრიდელთა დამრიგებელი, დიეგო სიმეონეც ხომ არგენტინელია.

SportsCenter 在Twitter 上："¡Qué dúo! Di María y Dybala, juntos en una nueva práctica de la Selección. ¿Deben ser titulares para vos? https://t.co/u0WUtllzDs" / Twitter

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.