პასები, პასები, პასები…

Spain held goalless by Swedish armada ორშაბათს ევრო 2020-ში ესპანეთისა და შვედეთის ეროვნული გუნდებიც ჩაებნენ. მოგეხსენებათ, მომავალი მსოფლიო ჩემპიონატის შესარჩევ ციკლში ესენი საქართველოს ნაკრების მეტოქეები არიან.

ამჯერად მატჩი უგოლოდ დასრულდა. მაგრამ ესპანელებმა სამი რეკორდი მაინც დაამყარეს.

ერთი – შეხვედრის დამთავრებისას, „ფურია როხას“ ბურთის ფლობის 85 – პროცენტიანი მაჩვენებელი ჰქონდა. ეს ყველაზე დიდი პროცენტული მაჩვენებელია მას შემდეგ, რაც სტატისტიკურმა ორგანიზაცია Opta-მ თვლა დაიწყო, ანუ 1980 წლიდან.

მეორე – ესპანელებმა პირველ ტაიმში 419 დამთავრებული პასი შეასრულეს. ამდენი ევროპირველობის ისტორაში პირველ 45 წუთში არავის შეუსრულებია.

მესამე – 90 წუთის განმავლობაში ესპანელებმა უკვე 917 პასი გააკეთეს, რაც ასევე რეკორდია. წინა მიღწევაც ესპანელებისა იყო – ევრო 2012-ზე მათ ირლანდიას 4:0 მოუგეს და 859 პასი შეასრულეს. აქედან 136 ბარსელონელი ჩავის ანგარიშზე იყო.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.