გაზოლი ფესვებს დაუბრუნდა

ესპანეთის თასის მფლობელი და როგორც საკუთარი ქვეყნის, ასევე ევროპის ყველაზე პრესტიჟული საკალათბურთო ტურნირის, ევროლიგის ფავორიტი „ბარსელონა“, კიდევ უფრო გაძლიერდა.

Pau Gasol back at Barça „ბარსას“ პრეს-სამსახურმა დაადასტურა, რომ გუნდმა კონტრაქტი გააფორმა ვეტერან ესპანელ კალათბურთელ პაუ გაზოლთან. პაუ „ბარსაში“ 16 ნომრით ითამაშებს.

40 წლის გაზოლი NBA-ს ორგზის ჩემპიონი, სამგზის ოლიმპიური პრიზიორი, მსოფლიოსა და ევროპის ჩემპიონია.

გაზოლმა პროფესიული კარიერა სწორედ „ბარსელონაში“ დაიწყო, ხოლო 2001 წელს თავი NBA-ს დრაფტზე დააყენა, სადაც მესამე ნომრად აირჩიეს. შედეგად, კარიერის დიდი ნაწილი ოკეანის გაღმა გაატარა. უთამაშია „მემფისში“, „ლოს-ანჯელეს ლეიკერსში“, „ჩიკაგოში“, „სან ანტონიოსა“ და “მილუოკიში“.

გაზოლი NBA-ს ისტორიაში ერთ-ერთი საუკეთესო ევროპელია.

Liga Endesa: Pau Gasol set to return to Barcelona | MARCA in English

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.