მაიკლ ჯორდანი საბურთალოშია

No description available. კალათბურთის ლეგენდას, მაიკლ ჯორდანს ბეისბოლიც უთამაშია, მაგრამ იგივე სახელის კაცი თუ ფეხბურთსაც ითამაშებდა და ისიც საქართველოში, არ გვეგონა.

მაიკლ ჯორდან ნკონოლომ „საბურთალოსთან“ ერთად რამდენიმე ვარჯიში ჩაატარა და „ორენბურგთან“ ამხანაგურ მატჩში 15 წუთიც ითამაშა.

28 წლის წარმოშობით კონგოელი და საფრანგეთის მოქალაქე შემტევი ნახევარმცველია. კარიერის საუკეთესო წლები „კაენში“ აქვს გატარებული. უთამაშია ხორვატიაში, რუმინეთში… ბოლოს ლატვიურ „რიგაში“ იყო. 6-ჯერ მოირგო კონგოს ნაკრების მაისური და ორი გოლიც გაუტანია. დარჩება თუ არა მაიკლ ჯორდანი „საბურთალოში“ მალე შევიტყობთ…

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...