რა გინდა რომ ჰქნა? 29 წლის ბელგიელმა კევინ დე ბრუინმა „მანჩესტერ სიტიში“ დიდებული სეზონი ჩაატარა და ინგლისურ პრემიერლიგაში წლის საუკეთესო ფეხბურთელადაც აღიარეს. არადა, გუნდმა ვერც იჩემპიონა და ჩემპიონთა ლიგაშიც შერცხვა. საქმე 35 შეხვედრაში გატანილ 13 გოლსა და 20 საგოლე გადაცემაში როდია – შემტევი ნახევარმცველი „სიტის“ მთავარი მამოძრავებელი ძალა იყო. საუკეთესოს ტიტულისთვის ბრძოლაში კევინმა უკან სეზონის...
„ბარსელონას“ განადგურებაში თავისი მოზრდილი წილი დაიდო მიუნხენის „ბაიერნის“ ფეხბურთელმა ალფონსო დევისმა. 19 წლის მცველი კანადელია. ჰოდა, სწორედ მისი ნაკლებად საფეხბურთო სამშობლო გახდა იმის მიზეზი, რომ ახლა დევისი „ბარსელონაში“ არ თამაშობს. როგორც ირკვევა, დევისს ესპანურ გრანდში გადასვლის შანსი ჰქონდა. „ბარსას“ ლეგენდამ, ხრისტო სტოიჩკოვმა ჯერ კიდევ მაშინ ურჩია მისი აყვანა ყოფილ კლუბს, როდესაც სამშობლოში თამაშობდა. ბულგარელმა ინფორმაცია...
მიუნხენის „ბაიერნთან“ განცდილი გამანადგურებელი მარცხის შემდეგ, „ბარსელონას“ გულშემატკივრები უკმაყოფილებას ვეღარ მალავენ. ფანები სიუტატ ესპორტივას ტერიტორიაზე შეიკრიბნენ და კლუბის ფეხბურთელ-ხელმძღვანელობის წინააღმდეგ ბანერები გამოკიდეს. „კლუბის 121 წლიანი ისტორიის შემარცხვენელი ფეხბურთელები და დირექტორთა საბჭო“, – ვკითხულობთ ერთერთ ბანერზე. ამ ყველაფრის შემდეგ კი „ბარსელონამ“ დიდი ცვლილებები დაგეგმა. ესპანური მედიის ინფორმაციით, კლუბი იმდენი ფეხბურთელის გაშვებას განიხილავს, მათი ჩამოთვლა შორს წაგვიყვანს....
პირველად არსებობის ისტორიაში ჩემპიონთა ლიგის ნახევარფინალში არ ითამაშებს არც ერთი გუნდი ესპანეთიდან, იტალიიდან და ინგლისიდან. არა, დარჩენილი ოთხეული ტოპ-5 ჩემპიონატისა კია. ანუ, წლევანდელი ჩემპიონთა ლიგა გერმანელების და ფრანგების გარჩევად იქცა. ფეხბურთის ქომაგებს ჯერ გერმანული „ბაიერნისგან“ ესპანური „ბარსელონას“ კოკისპირულად დაგოლვა არ მოენელებინათ და აგერ მეორე სენსაციაც – ფრანგულმა „ლიონმა“ ინგლისური „სიტის“ ამბიციები დაასამარა. კაცმა არ იცის...
აღარ გავაგრძელოთ. „ბაიერნთან“ 2:8-მ გამოააშკარავა, რომ „ბარსელონა“ ზოგადად ფეხბურთის თუ არა, საფეხბურთო ელიტის ფსკერზე დაეშვა. აღარც სტატისტიკის და ისტორიის მოშველიებას აქვს აზრი. როგორც ამბობენ, მიცვალებულზე ან კარგი ან არაფერიო… გუშინდელი 2:8 ბოლო წერტილი იყო პრეზიდენტ ხოსეპ-მარია ბართომეუს კარიერაში. მომდევნო კვირაში კლუბის დირექტორთა საბჭო იკრიბება და პრეზიდენტის გადაყენების, ასევე ახალი მთავარი მწვრთნელის შესახებ იმსჯელებს. ბართომეუს ერთადერთი...
ის, რაც გერმანულმა კლუბმა მსოფლიოს ერთ-ერთ საუკეთესო გუნდს დამართა, ვერცერთ გერმანულ ფილმში ვერ ვიხილავდით. ბავრიელებმა რვა ბურთი გაუტანეს „ბარსელონას“ და სულ თავ-ბედი აწყევლინეს. კიკე სეტიენი და მისი სამწყსო ყველაზე კოშმარულ სიზმარშიც ვერ წარმოიდგენდნენ თამაშის ასეთ განვითარებას. თავად კიკე სეტიენიც, როცა ეს სტრიქონები იწერება, ვეჭვობოთ, რომ უკვე უსამსახუროდ არის… მატჩის მინდინარეობას აღარ მოვყვებით… შესაძლოა, ცოტა ზედმეტი...
ესპანურ „ბარსელონას“ სასწრაფოდ სჭირდება ახალი მთავარი მწვრთნელი. კიკე სეტიენის დღეები დათვლილია. არადა, მას შედეგზე მეტად ქარიზმას ედავებიან – ვერაფრით მოიპოვა ავტორიტეტი ფეხბურთელებს შორის, რაც სათამაშო დისციპლინაზე აისახა. ახალ მწვრთნელს ევერესტისხელა ავტორიტეტი უნდა ჰქონდეს. ადრე ლამის ერთადერთ კანდიდატად ჩავი ერნანდესი განიხილებოდა, მაგრამ „ბარსამ“ ჩემპიონის ტიტული რომ დაკარგა ხელმძღვანელობა მასზე გაბუტული ყოფილა, ყატარიდან დროულად რომ წამოსულიყო, ასეთი...
თბილისის „დინამოს“ 21 წლის ნახევარმცველის, ნიკა ნინუას სატრანსფერო საგა დასრულდა – ის ბერძნული „პაოკის“ ფეხბურთელი გახდა. კონტრაქტი 4-წლიანი იქნება, იქამდე გამოსასყიდი თანხა კი 10 მილიონი ევრო. გეხსომებათ, ნინუას გადაბირება თურქულ გრანდ „ბეშიქთაშსაც“ სურდა, მაგრამ ლეგიონერების ლიმიტის გამო ეს ტრანსფერი ჩაიშალა. საბოლოოდ, ნინუან ღუზა სალონიკში ჩაუშვა. „პაოკი“ საბერძნეთის სუპერლიგაში მეორე ადგილზე გავიდა და ჩემპიონთა ლიგის საკვალიფიკაციო...
„ლოს-ანჯელეს ლეიკერსის“ ფორვარდი ლებრონ ჯეიმსი NBA-ს 2019-20 წლის სეზონის საუკეთესო მეპასე გახდა. ჯეიმსი თამაშში საშუალოდ 10,2 შედეგიან გადაცემას აკეთებდა და ლიგის ერთადერთი კალათბურთელია, რომელმაც ამ ნომინაციაში ორნიშნა შედეგი დააფიქსირა. ლებრონმა აჯობა „ატლანტა ჰოუკსის“ გამთამაშებელ ტრეი იანგსა (9,3) და „დალას მავერისქსის“ მცველ ლუკა დონჩიჩს (8,8). NBA-ს 4-გზის MVP ასაკით მეორე კალათბურთელია, რომელმაც ლიგა საუკეთესო მეპასედ დაასრულა....
US Open-ზე დიდი სამეულის ერთ-ერთ წარმომადგენელს მაინც ვიხილავთ – მსოფლიოს პირველმა ჩოგანმა, ნოვაკ ჯოკოვიჩმა ამერიკის ღია პირველობაზე თამაში გადაწყვიტა, თუმც სერბი ჩოგბურთელი იქვე გამოტყდა, რომ ორგანიზატორების მკაცრი მოთხოვნები რთული შესასრულებელი იქნება. „სამედიცინო პროტოკოლითა და უსაფრთხოების წესების დაცვით US Open-ზე თამაში იოლი არ იქნება. ამ ტურნირისთვის ჩემ გუნდთან ერთად ვემზადებოდი და მგონი, კარგ ფორმაში ვარ. მზად...