ბასილაშვილი მეთერთმეტედ დამარცხდა

Unseeded Basilashvili last to reach semis in Sofia - Sofia Open სოფიაში მიმდინარე ATP-ს ტურნირზე ნიკოლოზ ბასილაშვილი საწყის ეტაპზე შვეიცარიელ მარკ-ანდრე ჰუსლერს დაუპირისპირდა და 150-ე ჩოგანთან 1:6, 6:4, 6:7 დამარცხდა.

ბასილაშვილმა პირველი სეტი უშანსოდ წააგო – 1:6. მეორეში თანაბარი ბრძოლა იყო, 4:4 ისე გახდა, რომ ჩოგბურთელებს არ შექმნიათ. აქ ბასილაშვილმა ჯერ თავისი, შემდეგ კი მეტოქის მოწოდება აიღო და სეტი 6:4 მოიგო.

მესამე სეტში საქმე ტაი ბრეიკამდე მივიდა. აღსანინავია, რომ ნიკას მეტოქის მოწოდებაზე, როდესაც ანგარიში 5:6 იყო, ორი მატჩ-პოინტი ჰქონდა, მაგრამ ვერ გამოიყენა. ტაი ბრეიკზე მატჩ- პოინტი უკვე შვეიცარიელმა მიიღო, მაგრამ ბასილაშვილის მოწოდებაზე. ნიკამ ერთხელ გამოასწორა საქმე, მაგრამ იქვე შვეიცარიელმა მეორე შანსი მიიღო და საქმეც ბოლომდე მიიყვანა.

აღსანიშნავია, რომ ბასილაშვილმა მეტოქის მოწოდებას ვერაფერი დაუპირისპირა – ჰუსლერს 22 ეისი ჰქონდა ნიკას ხუთის წინააღმდეგ. ჩვენებურს ამდენივე ორმაგი შეცდომა ჰქონდა, როდესაც მეტოქე სულ სამჯერ შეცდა. ბასილაშვილს არც საკუთარი მოწოდება გამოდიოდა და პირველ ცდაზე მხოლოდ 69 % აიღო, ჰუსლერის 80-ის საპირწონედ.

ეს ნიკას ზედიზედ მე-11 მარცხი იყო და მხოლოდ ჰუსლერთან მოახერხა სეტის მოგება. ვერაფერი შეღავათია…

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...