მინუს რომერო – სარბიელი

არგენტინელი მეკარე სერხიო რომერო მსოფლიოს ჩემპიონატს გამოტოვებს. მიზეზი: მუხლის ტრავმა.

ექიმებმა დაასკვნეს, რომ „მანჩესტერ იუნაიტედის” გოლკიპერის რუსეთში გამგზავრებას აზრი საერთოდ არ აქვს. ალბისელესტემ ტვიტერზე ოფიციალური განცხადებაც გამოაქვეყნა, სადაც 31 წლის ფეხბურთელისთვის სამწუხარო ამბავი წერია: „დღეს სერხიო რომეროს მარჯვენა მუხლი დაუშავდა, რის გამოც მას ნაკრების დატოვება მოუწევს”.

არგენტინელებს რომეროს გარდა კიდევ ორი მეკარე ჰყავთ გამოძახებული — ვილი კაბალერო და ფრანკო არმანი.

„მანჩესტერ იუნაიტედის” შემადგენლობაში რომერომ ბოლოს 13 მაისს, პრემიერლიგის ბოლო ტურში, „უოტფორდის” წინააღმდეგ ითამაშა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...