„მან იცის შხამიანი კბენა. გაიტანა და კიდევ შეძლო. საჯარიმოში არ ორჭოფობს. მეორე ტაიმი პირველზე უარესი გამოუვიდა’’, ― ასე დაახასიათა ჟორჟ მიქაუტაძე AS-მა წერილში, რომელიც „ვილიარეალის’’ ფეხბურთელებს მიეძღვნა: ესპანურმა გუნდმა „იუვენტუსთან’’ 2:2 ითამაშა. ეს იყო ჩემპიონთა ლიგის ჯგუფური ეტაპის მეორე ტურის შეხვედრა. 36 გუნდიან ცხრილში, რომელსაც „ბაიერნი’’ ლიდერობს „ყვითელი წყალქვეშა ნავი’’ 26-ე ადგილზეა. მასპინძლები პირველი ტაიმის...
როგორც სატრანსფერო საქმეებში გარკვეული ესპანური პორტალი Fichajes წერს, „ვილიარეალში’’ ახალგადასული ჟორჟ მიქაუტაძის გადაბირებას მალე „ტოტენჰემ ჰოთსფური’’ შეეცდება. ჩრდილოლონდონური კლუბი ჯერ კიდევ დააკვირდება საქართველოს ნაკრების თავდამსხმელს და თუ შთაბეჭდილება არ წაუხდება ზაფხულში „ყვითელ წყალქვეშა ნავს’’ 50 მილიონ ევროს შესთავაზებს. მიქაუტაძემ სახელი „ლიონში’’ გაითქვა, სადაც 47 მატჩში 28 გოლი გაიტანა. მის პოტენციალს ყურადღება ბევრმა კლუბმა მიაქცია. სატრანსფერო...
„ვილიარეალმა’’ „ბილბაო’’ 1:0 დაამარცხა და ლა ლიგაში შინ, „ესტადიო დე ლა კერამიკაზე’’ მიჯრით მოგების რაოდენობა რვამდე გაზარდა. ჟორჟ მიქაუტაძე სასტარტო შემადგენლობაში იყო. მან მოედანზე 72 წუთი დაჰყო. შეხვედრის ერთადერთი გოლი 76-ე წუთზე ალბერტო მოლეირომ გაიტანა. მატჩის შემდგომ პრეს-კონფერენციაზე „ყვითელი წყალქვეშა ნავის’’ მწვრთნელმა მარსელინომ მიქაუტაძის შემცვლელზე კანადელ ტანიტოლუვა ოლუვასეიზეც ილაპარაკა, მისი მოედანზე შეშვების მიზეზები განმარტა: „ტანი...
„ამ შეხვედრაში ბურთს ბევრჯერ არ შეხებია, მაგრამ ერთი საუცხოო მოქმედებით მისი ბედი გადაწყვიტა. მიქაუტაძემ წამოიწყო გარღვევა მარჯვნიდან, გასცდა კარმონას და საგოლე პასი მიაწოდა სოლომონს’’, ― წერს AS ჟორჟ მიქაუტაძის შესახებ, რომელიც „სევილიაში’’ მწვრთნელმა მარსელინომ მოედანზე 69-ე წუთზე შეუშვა. 84-ე წუთზე ჩაერთო საქმეში ისრაელის ნაკრების მოთამაშე მანორ სოლომონიც, ხოლო გოლი, რომელიც შეცვლაზე შესულმა ამ ორმა ფეხბურთელმა...
„ვილიარეალმა’’ ლა ლიგაში შინ ზედიზედ მეშვიდე თამაში მოიგო. ეს იყო მატჩი, რომელშიც „ყვითელი წყალქვეშა ნავი’’ თავიდან ჩამორჩა მოწინააღმდეგეს, მერე კი ბედი სათავისოდ შემოატრიალა. ამ დღეს „ოსასუნას’’ ყველაზე დიდი პრობლემა საქართველოს ნაკრების თავდამსხმელი ჟორჟ მიქაუტაძე გახლდათ. მან თავიდანვე შექმნა მომენტები. პირველი სახიფათო ეპიზოდი მაშინ შეიქმნა, როდესაც ქართველი მეტოქის საჯარიმოში წაიქცა, მაგრამ მსაჯმა ისიდრო დიასმა თამაშის გაგრძელება...
„ტოტენჰემ ჰოთსფურმა’’ ჟორჟ მიქაუტაძის „ვილიარეალი’’ რთულ ბრძოლაში დაამარცხა ― 1:0. ეს ისტორიაში ამ გუნდების პირველი შეხვედრა იყო. სულ „ყვითელი წყალქვეშა ნავი’’ ინგლისელებს 15-ჯერ შეხვედრია. ესპანელთა სამწუხაროდ, ამ 15 თამაშიდან მათ ერთიც არ მოუგიათ ― 6 ფრე და 9 მარცხი. შეხვედრის ერთადერთი გოლი მე-4 წუთზე „ვილიარეალის’’ ბრაზილიელი მეკარის ლუის ჟუნიორის უხეში შეცდომის გამო გავიდა. მან ლუკას...
ფრანგული საიტი footmercato წერს, რომ ჟორჟ მიქაუტაძეს „ლიონი’’ უყვარს, მაგრამ ეს სიყვარული ცალმხრივია. მშობლიური ქალაქის გუნდმა ის პირველად ჯერ კიდევ ბავშვობაში უარყო, რის მერეც საქართველოს ნაკრების თავდამსხმელს „სენტ-პრისტსა’’ და „მეცში’’ მოუხდა გადასვლა. 2024 წლის ზაფხულში მიქაუტაძემ როგორც იქნა აისრულა ოცნება და რონისპირელებთან ოთხწლიან კონტრაქტს მოაწერა ხელი. ქომაგები მას ალექსანდრ ლაკაზეტის მემკვიდრედ მიიჩნევდნენ. ფორვარდმა საყვარელ გუნდში...
ჟორჟ მიქაუტაძის დებიუტი „ვილიარეალში’’ იღბლიანი არ გამოდგა. კასტელონური (პროვინცია ვალენსიის ავტონომიური გაერთიანების ჩრდილოეთ ნაწილში) გუნდი მადრიდში „მეტროპოლიტანოზე’’ „ატლეტიკოსთან’’ 0:2 დამარცხდა. ქართველმა თავდამსხმელმა მოედანზე 79 წუთი დაჰყო. მისი თამაში flashscore-მა და whoscored-მა 6.0, ხოლო sofascorem-მა 6.5 ქულით შეაფასეს. შეგახსენებთ, რომ ორიოდ დღის წინანდელ ინტერვიუში მიქაუტაძემ თქვა, რომ ჯერ ახალ თანაგუნდელებს არ იცნობს. მატჩის შემდეგ „ვილიარეალის’’ მწვრთნელმა...
შაბათს, 13 სექტემბერს „ატლეტიკოს’’ წინააღმდეგ „ვილიარეალის’’ მწვრთნელს მარსელინო გარსია ტორალს მიმდინარე სეზონში პირველად მიეცემა სამი თავდამსხმელით თამაშის საშუალება. წინა სამ ტურში ის ხან რა გამოსავალს პოულობდა და ხან რას. „ვანდა მეტროპოლიტანოზე’’ კი მარსელინოს შეუძლია ერთდროულად ათამაშოს ჟორჟ მიქაუტაძე, 32 წლის ესპანელი აიოსე პერესი და 25 წლის ნიგერიული წარმოშობის კანადელი ტანი ოლუვასეი. 33 წლის ესპანელი ცენტრფორვარდის...
ესპანური „ვილიარეალის’’ ისტორიაში კიდევ ერთი რეკორდი დამყარდა ― „ყვითელ წყალქვეშა ნავს’’ ერთბაშად ამდენი ფეხბურთელი ნაკრებებში არასდროს მიუვლენია. ამ სანაკრებო კვირეულში ამა თუ იმ ქვეყნის ეროვნულ გუნდში „ყვითლების’’ 11 მოთამაშე გაემგზავრა, რითაც მოიხსნა 2011 წლის მაისის რეკორდი. მაშინ „ვილიარეალიდან’’ 10 ფეხბურთელი იყო გამოძახებული. ჯერ 2011 წლის ხალხი ჩამოვთვალოთ: ბრუნო სორიანო, ბორხა ვალერო, ხოან კაპდევილა, სანტი კასროლა...