სპორტში იგებს კლასი, ხარისხი, შეუპოვრობა, მიწოლა და მისთანები. ბედი, იღბალი, ყისმათი, განგება და მსგავსი კატეგორიები სპორტისთვის მოგონილი არ გახლავთ. და მაინც, ხანდახან მოხდება, ერთი უსიამო ეპიზოდი, ერთი პატარა ჩავარდნა და ქვავდება ხელ-ფეხი, მრუდდება მიზანი, ფუჭდება ხასიათი, მცირდება მონდომება და ინგრევა რუდუნებით ნაშენები. ხორვატიაში სახელბურთო ევრო-2018 დამთავრდა და გვაქვს საფუძველი ვიფიქროთ, რომ ევროპის ჩემპიონატის საკვანძო მომენტი...
მსოფლიოს ჩემპიონი, ნორვეგიელი მაგნუს კარლსენი ვეიკ ან ზეში, Tata Steel Chess სუპერტურნირის გამარჯვებული გახდა. კლასიკური დროის კონტროლით 13 ტურის გათამაშების შემდეგ პირველ ადგილზე 9-9 ქულით ნორვეგიელი და ჰოლანდიის სახელით მოასპარეზე ინდოელი ანიშ გირი გავიდნენ. გამარჯვებულის გამოსავლენად ტაი-ბრეიკი დაინიშნა და იქ ფავორიტად მაგნუსი იყო მიჩნეული, რომელიც სწრაფ ჭადრაკშიც საუკეთესოა დედამიწის ზურგზე. პირველ სწრაფ პარტიაში კარლსენს თეთრები...
ტყუილი აღმოჩნდა სენსაციების მოყვარულთა მოლოდინი – ავსტრალიურმა ხვატმა “ჭარმაგი” როჯერ ფედერერი გამოფიტა და მარინ ჩილიჩს წარმატების შანსი აქვსო. არა, ინტრიგა ნამდვილად იყო. განსაკუთრებით იმ მომენტში, როცა ჩილიჩი სეტებში 2:2 გაუთანაბრდა შვეიცარიელს. აი, აქ კი გაბრაზდა როჯერი, გადამწყვეტ სეტში ორი ბრეიკი შეასრულა და კარიერაში მეოცე სლემტიტული მოიპოვა: 6:2, 6:7, 6:3, 3:6, 6:1 36 წლის ფედერერისთვის და...
ავსტრალიის ღია საჩოგბურთო პირველობის ფინალს ერთბაშად ორ კითხვაზე უნდა გაეცა პასუხი: ვინ იჩემპიონებდა სეზონის პირველ სლემჩოგნაობაში და ვინ ჩაუდგებოდა სათავეში მომავალ კვირას განსაახლებელ რეიტინგს. დანიელმა კაროლინ ვოზნიაცკიმ პირველი სეტი ტაი-ბრეიკზე მოიგო. მეორე სეტში ერთი ბრეიკით რუმინელმა სიმონა ჰალეპიმ იყოჩაღა, თუმცა მესამე სეტიც და მასთან ერთად მატჩიც ვოზნიაცკის დარჩა – 7:6, 3:6, 6:4 ქალთა საჩოგბურთო ტახტზე...
ტოჩინოშინად წოდებულმა ლევან გორგაძემ იაპონური სუმოს იანვრის ბაშოზე (ტურნირზე) ტრიუმფალური შედეგი აჩვენა. თოთხმეტ შერკინებაში მეცამეტე გამარჯვება ქართველმა გოლიათმა სიოჰოძანთან ჭიდილში მოიპოვა. ლევანმა გაუძლო მეტოქის ცუპარებს (მკერდში ხელის გულების ხშირ დარტყმებს) და იორიკირით ( მიძალებით) მიუჩინა ადგილი დოჰიოს მიღმა. ქართველი სუმოისტი პირველად დაეუფლა იმპერატორის თასს და თანაც – ბაშოს დასრულებამდე ერთი დღით ადრე.
იაპონელთა სათაყვანებელ სუმოში ქართული იანვარი დგას. საუკეთესო ქართველმა სუმოისტმა ლევან გორგაძემ ორიოდე საათის წინ იმპდრატორის თასისკენ მორიგი ნაბიჯი გადადგა. ტოტინოსინად წოდებული ქართველის მეტოქე ელიტარულ ლიგაში უმძიმესი – 215-კილოგრამიანი მონღოლი იტონოძიო იყო. ფალავნები (სეკიტორები) მარჯვენა დგომში დაეჯახნენ ერთმანეთს და მცირეხნიანი ჭიდილის შემდეგ ლევან-ტოტინოსინმა მონღოლი დოჰიოს (საბრძოლო წრის) მიღმა მიაბრძანა. გორგაძეს ცამეტი ბრძოლის შემდეგ 12 გამარჯვება აქვს...
დღეს დილით ნაციონალურ საკალათბურთო ლიგაში “გოლდენ სტეიტმა” მორიგ მეტოქეს ჩაუტარა ღია გაკვეთილი. ამჯერად მსხვერპლი “მინესოტა” გახლდათ. თავად განსაჯეთ: სასტარტო შემადგენლობის ხუთმა მოთამაშემ ერთად 96 ქულა მოინაგრა, კევინ დიურანტმა სულაც სამმაგი დუბლით (28-10-11) გააბრუა სტუმრები. სათადარიგოებმაც გამოიდეს თავი და ზაზა ფაჩულიას საიუბილეო დღე სათანადოდ მიულოცეს – ზაზა სასტარტო შემადგენლობაში გავიდა პარკეტზე და ეს მისი მე-1000 მატჩი...
36 წლის შვეიცარიელი საჩოგბურთო და სრულიად სპორტული სამყაროს გაოცებას განაგრძობს. ავსტრალიის ღია პირველობის ნახევარფინალში როჯერი 6:1, 5:2 იმარჯვებდა, როცა სამხრეთკორეელმა მეტოქემ ტრავმის მომიზეზებით თეთრი ბაირაღი ააფრიალა. ფედერერი კარიერაში ოცდამეათედ გავიდა “დიდი მუზარადის” ტურნირის ფინალში. აქამდე გამართული 29 ფინალიდან 19 გამარჯვებამდე მიიყვანა. ფინალების ოდენობით ფედერერი აბსოლუტური რეკორდსმენია. მეორე შედეგი რაფა ნადალს აქვს (23 ფინალი). მეოცე სლემტიტულისთვის...
2016 წლის 31 იანვარს, კრაკოვში, სახელბურთო ევრო-2016-ის ფინალის დასკვნითი წუთები ესპანეთის ნაკრებს მწარედ დაამახსოვრდა. არა იმიტომ, რომ თამაშის ბედი ერთმა ტყორცნამ და წამებმა გადაწყვიტა. პირიქით, გერმანია რამდენიმე ბურთით წინ იყო და გამარჯვებაში დარწმუნებული ბურთს ლაღად, მეტიც, დაუდევრად ათამაშებდა. წუხელ, ევრო-2018-ის მთავარი ჯგუფური ეტაპის დასკვნით ტურში, ესპანელებმა სისხლი აიღეს, თან ზუსტად ორი წლის წინანდელი სახით: ბოლო...
„რეალი” „ლეგანესთან” 1:2 დამარცხდა და ესპანეთის „სამეფო თასისთვის” ბრძოლას გამოეთიშა. მადრიდელთა კაპიტანმა სერხიო რამოსმა მატჩის შემდეგ განაცხადა, რომ მას გულშემატკივრების იმედგაცრუების ესმის და ყველას, ვინც კლუბთან რაიმე კავშირშია, ერთობისკენ მოუწოდა. რამოსმა თქვა, რომ ცუდი შედეგებისთვის პასუხისმგებლობა ყველას ეკისრება. ცხადია, დასძინა, რომ წინ ჩემპიონთა ლიგაა; რომ ძნელბედობას მაგრა უნდა დახვედრა, ხოლო როდესაც მწვრთნელის, ზინედინ ზიდანის გაშვება-დატოვების...