როჯერ ფედერერი ზაფხულამდე დაგვემშვიდობა. წუხელ შვეიცარიელმა მაიამის მასტერსის მეორე წრეში ბერძნული წარმოშობის ავსტრალიელ ტანასი კოკინაკისთან სამ სეტში, სენსაციურად 6:3 3:6 6:7 წააგო. ფედერერი მატჩის წინ მსოფლიოს პირველი ჩოგანი იყო, მისი მეტოქე კი რეიტინგის 175-ე ნომერი, რომელიც ტურნირის ძირითად ბადეში კვალიფიკაციის გავლით გავიდა. დამარცხების შემდეგ ფედერერმა განაცხადა, რომ გაზაფხულის თიხნარის ტურნირებს (მათ შორის როლან გაროსს) გამოტოვებს...
თომას ტუხელთან დაკავშირებულმა ბოლო ცნობამ ბუნდესლიგა გააოცა: 44 წლის მწვრთნელი მომავალ სეზონში „ბაიერნის” გაძღოლაზე უარს ამბობს. მოგეხსენებათ, 72 წლის იუპ ჰაინკესი სეზონის დამთავრების შემდეგ „რეკორდმაისტერიდან” მიდის. ბავარიელები ახალი თავკაცის ძებნაში არიან. კანდიდატთა შორის ერთ-ერთი ფავორიტი სწორედ თომას ტუხელი გახლდათ, მაგრამ ვითარება უცებ და რადიკალურად შეიცვალა: როდესაც „ბაიერნის” ოფისიდან „დორტმუნდის” ყოფილ მწვრთნელს შეეხმიანენ, პასუხად მიიღეს, რომ...
ჟოზე მოურინიუ და პოლ პოგბა ერთმანეთს აღარ ელაპარაკებიან. ამბობენ, რომ უფრო პოგბაა გაბუტული. ფრანგი ნაწყენია, რადგან პორტუგალიელი ინგლისურ გუნდში რეგულარულად აღარ ათამაშებს. თურმე, როდესაც პოგბას ხელმძღვანელებთან რამე საქმე აქვს, მწვრთნელის ასისტენტ რუი ფარიას მიმართავს ხოლმე. პოგბას აგენტი მინო რაიოლა მზად არის საქმეში ჩაერთოს. ის ხედავს, რომ „მანჩესტერ იუნაიტედის” თავკაცისა და ყველაზე ძვირადღირებული ფეხბურთელის ურთიერთობა ვეღარ...
შარშანდელივით იღბლიანი გამოდგა მარტის ბოლო საქართველოს ნაკრებისთვის – შარშანდელივით ბალტიისპირელებს უმასპინძლა ვაისის გუნდმა და მაშინდელივით დიდი ანგარიშით იმარჯვა. ერთი წლის წინ ლატვიელთა 5:0 ძლევა, მართლაც რომ ფეერული იყო, ისევე როგორც დღევანდელი პირველი ტაიმი ლიტვასთან, სადაც ქართველებმა ოთხი უპასუხო გოლი გაუტანეს სტუმრებს… მატჩს კი სამწუხარო ელფერი ახლდა, ჩვენები შავი სამკლავურებით გავიდნენ მოედანზე,რაკიღა დღეს სრულიად საქართველო იყო...
გიორგი ნემსაძის გაწვრთნილმა 17-წლამდელთა ნაკრებმა ირლანდიასთან 0:2 წააგო და თითქმის გადაიწურა ფინალურ ეტაპზე გასვლის შანსი. იმისთვის, რომ საქართველო მეორე ადგილზე გავიდეს, 27 მარტს უმოტივაციო ირლანდიამ ბოლო ტურში მასპინძელ პოლონეთს უნდა მოუგოს, ხოლო ნემსაძის ბიჭებმა მაკედონია დიდი ანგარიშით უნდა დავამარცხონ. ეს ზღაპარს ჰგავს. მთავარი თამაში დღეს იყო, ჩვენებს ირლანდიასთან არ უნდა წაეგოთ… თავიდანვე ცუდად წავიდა საქმე:...
რაკი თანამედროვე ფეხბურთი დიდწილად ლეო მესისა და კრიშტიანუ რონალდუს გარშემო ტრიალებს, ამ ორი დიდი ვარსკვლავის ნაკრები გუნდების ამხანაგური შეხვედრები ცალკე გამოვყოთ. საინტერესოა, რომ როგორც არგენტინამ, ასევე ევროპის ჩემპიონმა პორტუგალიამ ნეიტრალურ მოედანზე ითამაშა. არგენტინელებმა მანჩესტერში, „ეტიჰედ სთედუმზე” მსოფლიოს ჩემპიონატს მიღმა დარჩენილ იტალიას 2:0 მოუგეს. გოლები შეხვედრის ბოლო 11 წუთში გაიტანეს ევერ ბანეგამ და მანუელ ბანსინიმ. ლეო...
საქართველოს ახალგაზრდულმა ნაკრებმა ევროპის 2019 წლის ჩემპიონატის მე-3 შესარჩევ ჯგუფში მესამე გამარჯვება მოიპოვა და ცხრილშიც მესამე ადგილზე გამაგრდა – გია ცეცაძის გაწვრთნილებმა გორში, „თენგიზ ბურჯანაძეზე“ ფარერელი თანატოლები ლუკა ზარანდიას ერთადერთი გოლით დაამარცხეს. გია ცეცაძის თავკაცობით 21-წლამდელებმა პირველად მოიგეს. შარშან, ფარერებზე განცდილი სამარცხვინო 1:3 წაგება ყველას გვახსოვს, დღეს კი იგივე გუნდს ჩვენებმა მხოლოდ 1:0 მოუგეს. ეს...
ლეგენდარულმა მძლეოსანმა უსაინ ბოლტმა „დორტმუნდთან” ივარჯიშა. თვითმხილველები ამბობენ, ვერ მიხვდებოდით იამაიკელი ფეხბურთელი რომ არ იყოო. 31 წლის სპრინტის გადამდგარი მეფე „მანჩესტერ იუნაიტედის” დიდი გულშემატკივარია, მაგრამ თავს დორტმუნდელთა საწვრთნელ ბაზაზეც შესანიშნავად გრძნობდა. კვირის დასაწყისში ბოლტის ვარჯიშს „იუნაიტედის” თავკაცმა ჟოზე მოურინიუმ უყურა, მაგრამ როგორც ამბობენ, ამჯერად მის გერმანულ კლუბში აყვანაზეა ლაპარაკი. ბოლტი დარწმუნებულია, რომ თავის არაბუნებრივ სისწრაფეს,...
მაიამის მასტერსზე საქართველოს პირველმა ჩოგანმა ნიკოლოზ ბასილაშვილმა სასტარტო შეხვედრაში გამარჯვება მოიპოვა. სპეციალისტები და ბუკმეკერები ცალსახა ფავორიტად ტომას ფაბიანოს მიიჩნევდნენ, რომელმაც პირველი სეტი ერთი ამოსუნთქვით მოიგო-6:1. მეორე სეტში ქართველმა სრულფასოვანი რევანში ორი ბრეიკით აიღო – 6:2. ნიკოლოზის სასახელოდ უნდა ითქვას, მესამე სეტში 5:5 – ზე გადამწყვეტი ბრეიკი შეასრულა, მერე საკუთარ მოწოდებაზე ორი მატჩბოლის უფლება მიიღო და...
გორთან, ცენტრალურ მაგისტრალზე მომხდარი ავტოსაგზაო შემთხვევის შედეგად, ფოთის „კოლხეთის“ ხუთი ფეხბურთელი დაშავდა. საბედნიეროდ, ფეხბურთელები, რომლებიც გორის საავადმყოფოში ოპერატიულად გადაიყვანეს, გადარჩნენ. ავტომანქანის მძღოლი სამწუხაროდ, დაიღუპა – თვითმხილველთა თქმით, ავტომანქანა ბორდიურს შეეჯახა და გზის სავალი ნაწილიდან გადავარდა… „სარბიელი“ „კოლხეთის“ პრეს-სამსახურის უფროსს, გია ეჯიბიას დაუკავშირდა: – ფაქტია, გადავრჩით, ფეხბურთელები უვნებელნი არიან, ერთადერთი, თუ არ ვცდები გიორგი არქანიას აქვს...