ეროვნული ლიგის 21-ე ტურში ორი „ექვსქულანი“ მატჩი გაიმართა. „დილამ“ უშუალო კონკურენტს, ლიდერ „იბერიას“ უმასპინძლა და მოულოდნელად 0:6 დამარცხდა. მესამე წრის დასაწყისში „იბერია“ „დილას“ 6 ქულით უსწრებდა, მაგრამ გორელებმა ჩამორჩენა 1 ქულამდე შეამცირეს და „თენგიზ ბურჯანაძეზე“ გამართული მატჩიც ამად იყო საინტერესო, შეძლებდა თუ არა „დილა“ გალიდერებას. მაგრამ ყველაფერი საპირისპროდ მოხდა – გია გეგუჩაძის შეგირდებმა ექვსი უპასუხო გოლი გაუტანეს გორელებს.
მიმდინარე სეზონში პირველად მოხდა, რომ ერთ შეხვედრაში ორი დუბლი დაფიქსირდა. თავი იბერიელმა ტაბატაძეებმა გამოიჩინეს – გიორგიმ და იურიმ.
საინტერესოა, რომ მასპინძლებმა თამაში 9 ფეხბურთელით დაამთავრეს, მსაჯმა გოგა კიკაჩეიშვილმა პირველი ტაიმის ბოლოს ჯერ გორელთა პორტუგალიელი პედრო მენდეში დაითხოვა მინდვრიდან პირდაპირი წითელი ბარათით, შემდეგ, უკვე 67-ე წუთზე ალექსანდრე ანდრონიკაშვილს უჩვენა მეორე ყვითელი.
შედეგად „იბერიამ“ 48 ქულა მოაგროვა და 4 პუნქტით გაუსწრო უშუალო მდევარ „დილას.“
მეორე „ექვსქულიანი“ წყალტუბოში გაიმართა, სადაც ცხრილის ქვედა ნაწილში მყოფი გუნდები დაუპირისპირდნენ ერთმანეთს. მე-8 ადგილზე მყოფი „სამგურალი“ 4 ქულით უსწრებდა პლეი-აუტის ზონაში მყოფ „გარეჯს“ და თავიდან 2:0 უგებდა, თუმცა უპირატესობა ვერ შეინარჩუნა და მატჩის მიწურულს სამწუთიან ინტერვალში ორი ბურთი გაუშვა. შედეგად 2:2 და, ცხადია, ქულათა სხვაობა იგივე დარჩა.
„დინამომ“ ფოთში „კოლხეთს“ 3:1 მოუგო და 36 ქულთ „სუფთა“ მესამე ადგილზე დადგა, რადგან მანამდე მასთან თანაბარქულიანმა „ბათუმმა“ შინ „გაგრასთან“ წააგო 1:2. დინამოელთაგან დუბლი მიითვალა თორნიკე მორჩილაძემ.
აი, ბათუმელთაგან კი ახალწვეულმა, 19 წლის ლევან ხოზრევანიძემ ზედიზედ მესამდე მატჩში გაიტანა.
კოლხეთი 1:3 დინამო
0:1 მორჩილაძე (30), 1:1 ლეშჩინსკი (40), 1:2 მორჩილაძე (51), 1:3 სირაძე (90)
დილა 0:6 იბერია
0:1 გიორგი ტაბატაძე (34), 0:2 გიზო მამაგეიშვილი (41), 0:3 გიორგი ტაბატაძე (50), 0:4 იური ტაბატაძე (55), 0:5 იური ტაბატაძე (68), 0:6 ახვლედიანი (85)
გაძევება: მენდეში (45), ანდრონიკაშვილი (67) – ორივე დილა
ტორპედო 1:1 თელავი
1:0 ანდრიჩი (51), 1:1 ჟივიძე (66)
გაძევება: ბაშელეიშვილი (30) – თელავი
ბათუმი 1:2 გაგრა
1:0 ხოზრევანიძე (17), 1:1 პაპუაშვილი (32), 1:2 ბორჟესი (84)
სამგურალი 2:2 გარეჯი
1:0 ვინისიუსი (65), 2:0 ლუკა ხორხელი (80 პენ), 1:2 გოგოლაშვილი (85), 2:2 პაპავა (88)
