კუტალიამ ოთხჯერ…

„კრისტალბეთ ეროვნული ლიგის“ 32-ე ტურის მთავარი მატჩი თბილისში, „დავით პეტრიაშვილზე“ გაიმართა. ლიდერმა „იბერიამ“ „დილას“ უმასპინძლა და 3:2 დაამარცხა. შეხვედრა დაძაბული გამოდგა, თბილისელები ორჯერ იგებდნენ, მაგრამ გორელებმა ორივეჯერ გაათანაბრეს. გამარჯვების გოლი კი იური ტაბატაძემ გაიტანა 75-ე წუთზე პენალტით. ეს „იბერიას“ ზედიზედ მეექვსე გამარჯვება გახლდათ მიმდინარე სეზონში.

საინტერესო იყო „ტორპრდო“ – „ბათუმის“ შეხვედრაც, რომელიც ქუთაისელებმა სერბი ნიკოლა ნინკოვიჩის ერთადერთი გოლით მოიგეს – 1:0.

ამისდაკვალად, „იბერია“ კვლავ სამი ქულით უსწრებს უშუალო მდევარ „ტორპედოს.“

„თელავმა“ კი უშუალო კონკურენტ „კოლხეთთან“ უმნიშვნელოვანესი გამარჯვება მოიპოვა – 3:0. გოლები ანტონ თოლორდავამ (მე-10 წთ. პენალტით), დეიან გეორგიევიჩმა (24) და ტატო ჟივიძემ (90+6) გაიტანეს. 73-ე წუთზე ფოთელთა ბრაზილიელმა გაბრიელ ფერეირამ პენალტი გააცუდა.

შეიძლება იყოს 3 ადამიანი, (ამერიკული) ფეხბურთის მოთამაშე ადამიანები, ფეხბურთის თამაშში ჩართულები, თამასებიანი ფეხსაცმლები and ტექსტი გამოსახულება — წყალტუბოელმა ლევან კუტალიამ გაგრას ოთხჯერ გაუტანა

ახლა „თელავს“ 30 ქულა მოუგროვდა, მართალია ისევ ბოლოსწინა, მე-9 ადგილზეა, თუმცა უკვე მხოლოდ ერთი ქულით ჩამორჩება „კოლხეთს“და 2-ით „გაგრას.“

„გაგრა“ წყალტუბოში „სამგურალს“ ეწვია და 2:4 დამარცხდა. მასპინძელთაგან ოთხივე გოლი ლევან კუტალიამ გაიტანა. და ტურის გმირიც გახდა. ეს მეორე პოკერია მიმდინარე სეზონში. პირველი იბერიელმა გიორგი კოხრეიძემ შეასრულა 22 სექტემბერს, 25-ე ტურში „კოლხეთის“ წინააღმდეგ (6:2).

სხვათა შორის, ეს იტალიელი სპეციალისტის, რუდოლფო ვანოლის პირველი გამარჯვება გახლდათ „სამგურალის“ მწვრთნელის პოსტზე.

გაგრელებმა კაცნაკლულებმა დაასრულეს შეხვედრა. მსაჯმა ალეკო აფციაურმა სტუმართა ბრაზილიელი აუგუსტო პორფირიო 76-ე წუთზე გააძევა.

„დინამო“ „სამტრედიას“ დაუზავდა (1:1). თბილისელთაგან ბურთი „ნიუკასლის“ მომავალმა ფეხბურთელმა, ვახტანგ სალიამ გაიტანა. ეს 17 წლის ფორვარდის მე-6 გოლი გახლდათ მიმდინარე სეზონში. მინდვრიდან დაითხოვეს დინამოელი საბა ხარებაშვილიც, ოღონდ ეს ბოლო წუთებზე მოხდა.

იბერია 3:2 დილა

1:0 გიორგი კოხრეიძე (44 პენ), 1:1 გაფრინდაშვილი (54), 2:1 ოთარ მამაგეიშვილი (62), 2:2 ბუღრიძე (70), 3:2 ტაბატაძე (75 პენ)

ტორპედო 1:0 ბათუმი

1:0 ნინკოვიჩი (78)

სამტრედია 1:1 დინამო

0:1 სალია (22), 1:1 ოვუსუ (35)

გაძევება: საბა ხარებაშვილი – დინამო

თელავი 3:0 კოლხეთი

1:0 თოლორდავა (9 პენ), 2:0 გეორგიევიჩი (23), 3:0 ჟივიძე (90+5)

73-ე წუთზე ფერეირამ (კოლხეთი) ვერ გაიტანა პენალტი

სამგურალი 4:2 გაგრა

0:1 გიორგი ხარებაშვილი (14), 0:2 ლომთაძე (18), 1:2, 2:2, 3:2, 4:2 კუტალია (34, 60, 67 პენ, 78)

გაძევება: პორფირიო (76) – გაგრა

[table id=47 /]

მეგოლეები: ბიორნ იონსენი (ტორპედო, ნორვეგია) – 21, ტაირელ ვაუტერი (დილა, ნიდერლანდები) – 17, გიორგი კოხრეიძე (იბერია) – 15, შეიკნე სილა (იბერია, მალი) – 13, ლუკა ხორხელი (სამგურალი) – 10

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.