მარცხი გამიზნულ ოვერტაიმებში

ქუთაისის კალათბურთის გუნდის პირველი გამარჯვება ევროტურნირზე ფიბა ევროპის მეოთხე ტურში „ქუთაისმა“ სლოვაკურ „პრიევიძას“ უმასპინძლა და სამი ოვერტაიმის შემდეგ 104:108 დამარცხდა და ჯგუფიდან გასვლის შანსიც დაკარგა.

კოტე ტუღუშის გუნდს ცხრა ქულით მოგება სჭირდებოდა, რათა შემდეგ ეტაპზე გასვლის შანსი დაეტოვებინა. „ქუთაისმა“ საქმე პირველი ტაიმში სანახევროდ გადაჭრა და 45:40 მოიგო.

შესვენების შემდეგ იყო მომენტი, როდესაც შვიდი ქულითაც იგებდა, მაგრამ ბოლოს საქმეს რომ ვერ წვდებოდა გამიზნულ ფრეზე ითამაშა და ძირითადი დრო 75:75 დასრულდა.

ანალოგიური სიტუაციები შეიქნა პირველი და მეორე ოვერტაიმების ბოლოსაც – მასპინძლები ფრეზე თამაშობდნენ, რათა შანსი დაეტოვებინათ. პირველი ოვერტაიმის შემდეგ ანგარიში 83:83 იყო; მეორე ოვერტაიმი რომ დამთავრდა, ტაბლოზე 94:94 ენთო.

ჩვენები ორივე ოვერტაიმში სოლიდურად იგებდნენ, თუმც სასურველ ცხრა ქულამდე ვერ ადიოდნენ. ბოლოს „ქუთაისი“ გატყდა – გუნდმა მესამე ოვერტაიმში ჩამორჩენა ვეღარ აღმოფხვრა… „ქუთაისს“ ამერიკელმა ლეგიონერმა ელიარ ჯოინერმა ულიდერა, ვინაც სლოვაკებს 31 ქულა ჩაუგდო. გიორგი კორსანტიამ მატჩი ორმაგი დუბლით დაასრულა – 18 ქულა და 12 მოხსნა. „ქუთაისი“ მეხუთე ტურში, 6 ნოემბერს, ბილბაოს ესტუმრება, ხოლო ბოლო ტურში, 13 ნოემბერს, ბულგარულ „ბალკანს“ უმასპინძლებს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...