გუგეშაშვილი საბერძნეთში ითამაშებს

ლუკა გუგეშაშვილი ახალი სეზონიდან კარიერას საბერძნეთში გააგრძელებს – საქართველოს ნაკრების მეკარემ „პანსერაიკოსთან“ ორწლიანი კონტრაქტი გააფორმა.

„პანსერაიკოსი“თანამშრომლობას იწყებს საქართველოს ნაკრების მეკარესთან, ლუკა გუგეშაშვილთან, რომელმაც ევრო 2024-ზე საქართველოს ნაკრების გამოსვლიდან რამდენიმე დღეში ჩვენს გუნდთან ორწლიანი კონტრაქტი გააფორმა და 2026 წლამდე დარჩება. ლუკა გუნდს უახლოეს დღეებში შეუერთდება“.

25 წლის გუგეშაშვილის ბოლო კლუბი აზერბაიჯანის ჩემპიონი „ყარაბაღი“ იყო, სადაც 45 მატჩი ჩაატარა და 20-ჯერ კარი „მშრალად“ შეინახა. სამჯერ გახდა აზერბაიჯანის ჩემპიონი, ორჯერ – თასის მფლობელი.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...